• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Mədəniyyət naziri BƏƏ-nin nazir müavini ilə görüşüb

Mədəniyyət naziri BƏƏ-nin nazir müavini ilə görüşüb

Mədəniyyət və turizm naziri Əbülfəs Qarayev ölkəmizdə səfərdə olan Birləşmiş Ərəb Əmirliklərinin (BƏƏ) iqtisadiyyat nazirinin müavini Məhəmməd Bin Abdul Aziz Al Şehhinin başçılıq etdiyi nümayəndə heyəti ilə görüşüb. Nazirlikdən Publika.Az-a verilən məlumata görə, görüşdə iki ölkə arasında mədəniyyət və turizm sahəsində mövcud əməkdaşlığın daha da genişləndirilməsi məsələləri müzakirə edilib. Belə görüşlərin ikitərəfli əməkdaşlığın genişlənməsinə xidmət etdiyini vurğulayan Ə.Qarayev bildirib ki qarşılıqlı səfərlər ölkələrimiz arasında dostluq münasibətlərinin inkişafında mühüm əhəmiyyət daşıyır.


Son illərdə Azərbaycanda turizmin inkişafına xüsusi diqqət yetirildiyini vurğulayan nazir bildirib ki, teatr binaları, mədəniyyət ocaqları, tarixi abidələr yenidən bərpa edilir və ölkəmizin turizm potensialı daha da möhkəmləndirilir.
Nazir xüsusi olaraq diqqətə çatdırıb ki, bu gün bütün Avropanın diqqət mərkəzində olan ən mühüm mədəni hadisələrdən biri – 57-ci “Eurovision” Mahnı Müsabiqəsi Bakıda keçirilir.

Müsabiqənin Bakıda keçirilməsini yüksək mədəni hadisə kimi qiymətləndirən Məhəmməd Bin Abdul Aziz Al Şehhi yarışmanın bütün iştirakçılarına uğurlar arzulayıb. Dostluq münasibətlərinin möhkəmləndirilməsi naminə bütün təşəbbüsləri dəstəklədiklərini bildirən qonaq ölkələrimiz arasında qarşılıqlı əlaqələrin bundan sonra daha da genişlənəcəyinə əminliyini ifadə edib.

Familoğlu
Publika.Az

Xəbər lenti

DAHA ÇOX XƏBƏR