Hadisə
Bakıda sərnişin AVTOBUSUNDA QORXUNC ANLAR - VİDEO
Oktyabrın 16-sı saat 14:00-da İnşaatçılar prospektində taksi sürücüsü yol hərəkəti qaydasını pozub və 3 nömrəli xətt üzrə hərəkət edən “BakuBus”a məxsus 99-JH-287 dövlət qeydiyyat nişanlı avtobusun sərnişinləri təhlükə ilə üzləşib.
Bu barədə Publika.az-a “BakuBus” MMC-nin mətbuat xidmətinin rəhbəri Mansur Piriyev məlumat verib.
Onun sözlərinə görə, hadisə avtobus Şəhidlər Xiyabanı istiqamətə hərəkət edərəkən baş verib.
“Təqdim olunan görüntüdə taksi sürücüsünün yol hərəkəti
qaydasını kobud şəkildə pozaraq, həm özünün həm də avtobusda olan
onlarla sərnişinin həyatını təhlükəyə atdığının şahidi oluruq.
Taksi sürücülərinin avtobusların dayanacaqlara daxil olarkən və
çıxarkən yaratdıqları maneələrlə bağlı mütəmadi şəkildə
ictimaiyyətə məlumatlar təqdim olunur. Ancaq yol hərəkəti zamanı
taksi sürücülərinin xüsusən ötüb keçmə və dönmə əməliyyatları
zamanı tələskənliyi ictimai nəqliyyat üçün böyük təhlükələr
yaradır.
Videodan aydın görünür ki, taksi sürücüsü avtobusu gözləməli olduğu
halda, anidən zolağı dəyişib avtobusun qarşısına keçərək təhlükəli
dönmə əməliyyatı həyata keçirir və açıq şəkildə qəza vəziyyəti
yaradır. Bu cür hadisələr zamanı əksər hallarda sərnişinlər avtobus
sürücüsünü günahlandırır və əsaslı və ya əsassız şəkildə onlara
dəymiş ziyanın ödənilməsi üçün “BakuBus”a müraciət edirlər. Ancaq
istənilən halda həmin şəxslərin hüquq-mühafizə orqanlarına müraciət
etmələri tövsiyyə olunur”.
M.Piriyev bildirib ki, hadisə zamanı qəza vəziyyəti yaradan taksi sürücüsünün idarə etdiyi avtomobilin dövlət qeydiyyat nişanının avtobusun kameralarına aydın şəkildə düşmədiyi görünür.“Bununla belə həmin taksi sürücüsünün aidiyyatı orqanlar tərəfindən aşkar olunaraq qanunvericiliyə uyğun şəkildə məsuliyyətə cəlb olunacağına inanırıq”.
-
Magazin123:26
Xumar Qədimova daha bir məşhur şeiri mahnıya çevirdi - VİDEO
-
İnanc23:02
Həcc ziyarəti ilə bağlı zəvvarlara XƏBƏRDARLIQ
-
Region22:37
Başqa çıxış yolumuz yoxdur - Paşinyan
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi