• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Sumqayıtda taksi sürücüsü özünü yandırdı - RƏSMİ AÇIQLAMA

  • Hadisə
  • 20 Sentyabr 2015 19:17
  • 1 452 Baxış
Sumqayıtda taksi sürücüsü özünü yandırdı - RƏSMİ AÇIQLAMA

Sentyabrın 20-də, saat 02:00 radələrində Sumqayıtdakı "Şəfa" sanatoriyasının yataqxanasında məskunlaşmış Zəngilan rayonundan məcburi köçkün, özəl taksi fəaliyyəti ilə məşğul olan Məqsəd Süleymanov 20 Yanvar küçəsindəki bazarın yaxınlığında naməlum səbəblərdən üzərinə benzin tökərək özünü yandırıb.

Publika.az xəbər verir ki, bu barədə hadisə ilə bağlı Sumqayıt Şəhər Prokurorluğu və Şəhər Polis İdarəsinin birgə yaydığı məlumatda bildirlir. Məlumata görə, həmin ərazidə xidmət aparan və hadisəni görən Post Patrul Xidmətinin əməkdaşları dərhal müdaxilə edərək xüsusi cihaz vasitəsi ilə yanğını söndürüb və təcili yardım çağırıblar.

Məqsəd Süleymanov yanıq xəsarətləri ciddi olduğundan Bakıdakı 5 saylı Xəstəxanaya çatdırılıb. Lakin həkimlərin müdaxiləsinə baxmayaraq saat 15 radələrində həyatını itirib.

Hazırda faktla bağlı Sumqayıt şəhər Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb. Araşdırmalar aparılır.

Xəbər lenti

DAHA ÇOX XƏBƏR