İdman
“Qəbələ” və “Qarabağ” tarixi uğurun astanasında
Nəhayət ki, ikihəftəlik fasilədən sonra ürəyimiz yenə Avroliqa həyəcanıyla döyünməyə başlayıb. Sabah Avropa Liqasında pley-off mərhələsinin ilk oyunları keçiriləcək. Qrup mərhələsinə 22 vəsiqə uğrunda mübarizə aparan 44 komanda ilk sınağına çıxacaq.
Publika.az xəbər verir ki, Azərbaycanın iki klubu da qrupa düşmək üçün son səddi keçməlidir. “Qəbələ” Yunanıstan təmsilçisi “Panatinaikos”, “Qarabağ” isə İsveçrə “Yanq Boyz”u ilə görüşəcək. İlk oyunlarda Qəbələnin eyniadlı klubu evdə, ağdamlılar səfərdə qüvvəsini sınayacaq.
Ardıcıl ikinci, ümumilikdə isə 3-cü dəfə eyni mövsümdə iki komandamız pley-offda çıxış edəcək. 2009-cu ildə həm “Bakı”, həm “Qarabağ” bu raundda büdrəmişdisə, 2014-cü ildə ağdamlılar qrupa yüksəldi, “Neftçi” isə bunu bacarmadı.
Üçüncü cəhddə hər iki təmsilçimiz qrupa yüksəlsə, futbol tarixində ilk reallaşacaq. Belə ki, indiyədək heç vaxt eyni mövsümdə iki klubla qrupda təmsil olunmamışıq. 2012-ci ildə ilkə imza atan “Neftçi” Avropa Liqasında qrup həyəcanı yaşayıb. 2 il sonra isə “Qarabağ” “Ağ-qaralar”ın nailiyyətini təkrarlayıb.
Tarixində ilk dəfə pley-offa qədər irəliləyən “Qəbələ” əvvəlki 3 mərhələdə hər üç rəqibini evdə quru hesabla məğlub edib. “Panatinaikos” səddini adlamaq iddiasında olan Roman Qriqorçukun yetirmələri ümumi hesabdakı qələbənin təməlini qoymaq üçün bu ənənəni davam etdirsə, yaxşı olar.
Pley-offda 5-ci dəfə qüvvəsini sınayacaq “Qarabağ” çətin İsveçrə səfərində məğlub olmamağa çalışacaq. Bakıdakı oyuna üstün durumda çıxmaq üçün ağdamlılar səfərdən qolla qayıtmalıdır. Əks halda, vəziyyət çətinləşəcək.
Avropa Liqası, pley-off, ilk oyunlar
20 avqust
21:00 Qəbələ (Azərbaycan) – Panatinaikos (Yunanıstan)
Baş hakim: Andre Marriner
Yan xətt hakimləri: Simon Bennett, Li Betts
Dördüncü hakim: Robert Madli (hamısı İngiltərə)
Hakim-inspektor: Zbiqniev Przesmiçki (Polşa)
UEFA nümayəndəsi: Oleq Xarlamov (Estoniya)
Bakı. “Bakcell Arena”
23:00 Yanq Boyz (İsveçrə) - Qarabağ (Azərbaycan)
Baş hakim: Vladislav Bezborodov
Yan xətt hakimləri: Nikolay Qolubev, Maksim Qavrilin
Dördüncü hakim: Aleksey Yeskov (hamısı Rusiya)
Hakim-inspektor: Lassin İsaksen (Farer adaları)
UEFA nümayəndəsi: Mixal Mertinyak (Slovakiya)
Bern. “Stad de Suiss”
Digər oyunlar
20 avqust
21:00 Astra (Rumıniya) - Alkmaar (Hollandiya)
21:00 Dinamo Minsk (Belarus) - Zalsburq (Avstriya)
22:00 Ayaks (Hollandiya) - Yablones (Çexiya)
22:00 Krasnodar (Rusiya) - HİK (Finlandiya)
22:00 Liberets (Çexiya) - Hayduk (Xorvatiya)
22:00 Molde (Norveç) – Standard (Belçika)
22:00 PAOK (Yunanıstan) - Brondbü (Danimarka)
22:00 Sparta (Çexiya) - Tyun (İsveçrə)
22:00 Zarya (Ukrayna) - Legiya (Polşa)
22:30 Milsami (Moldova) – Sent-Etyen (Fransa)
23:00 Atromitos (Yunanıstan) – Fənərbaxça (Türkiyə)
23:00 Rabotniçki (Macarıstan) - Rubin (Rusiya)
23:00 Styaua (Rumıniya) - Rusenborq (Norveç)
23:15 Jilina (Slovakiya) – Atletik (İspaniya)
23:30 Altax (Avstriya) - Belenenseş (Portuqaliya)
23:30 Bordo (Fransa) – Kayrat (Qazaxıstan)
23:30 Odd (Norveç) – Borussiya D (Almaniya)
23:50 Viktoriya P (Çexiya) - Voyvodina (Serbiya)
00:00 Lex (Polşa) - Videoton (Macarıstan)
00:00 Sautqempton (İngiltərə) - Midtülland (Danimarka)
-
İqtisadi gündəm13:27
Türkiyə gündəmi silkələndi: Ərdoğanın vəzifədən azad etdiyi xanım qayıdır
-
Hadisə12:42
Azərbaycanda iki tələbə faciəli şəkildə öldü
-
Region12:07
Etirazçılar Paşinyanın yerinə kimi gətirir? - Baqrat açıqladı
-
Nida Xəbər 11:46
Baqrat impiçment başlatdı: Nikol gedir, yoxsa...
-
Ekologiya11:31
Bu ölkə böyük təhlükə ilə üz-üzədir: qarşısı alınmasa...
-
Nida Xəbər 11:00
Binəqədidə Ulu Öndərə həsr olunmuş tədbir keçirildi - FOTO
-
Region10:23
İrandan bu güzəştləri tələb edirlər, əks halda müharibəyə cəlb olunacaq - Rəisidən etiraf
-
Region09:36
Paşinyana qarşı üsyanda Köçəryan izi: Ayağında “problem” olan keşiş oteldə tapıldı - FOTO