• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

AFFA “İnter”ə 14 min manatlıq “hökm oxudu”

  • İdman
  • 6 Oktyabr 2015 14:36
  • 235 Baxış
AFFA “İnter”ə 14 min manatlıq “hökm oxudu”

AFFA İntizam Komitəsinin növbəti iclası keçirilib.

Publika.az xəbər verir ki, bu gün keçirilən iclasda aşağıdakı qərarlar qəbul olunub.

Azərbaycan Premyer Liqasının 7-ci turunun AZAL - “Rəvan” matçında “Təyyarəçilər”in 4 futbolçusu sarı vərəqəylə cəzalandığı üçün klub 1000 manat cərimə olunub. “Rəvan”ın baş məşqiçisi Emin Quliyev oyunsonrası mətbuat konfransında iştirak etmədiyinə görə klub 1000 manat cərimə olunub.

Premyer Liqanın 7-ci turunun “Zirə” - “Neftçi” matçının 47-ci dəqiqəsində qonaqların futbolçusu Fəhmin Muradbəyli kobud oyuna görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanıb, klub 2000 manat cərimə olunub.

Premyer Liqanın 7-ci turunun “Qəbələ” - “Xəzər Lənkəran” matçından sonra keçirilən mətbuat konfransında Yunis Hüseynov iştirak etmədiyi üçün “Xəzər Lənkəran” 1000 manat cərimə olunub.

Premyer Liqanın 7-ci turunun “Kəpəz” - “Sumqayıt” matçının 76-cı dəqiqəsində qonaqların futbolçusu Slavik Alxasov ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimə olunub.

Premyer Liqanın 7-ci turunun “İnter” - “Qarabağ” matçında “bankirlər”in 4 futbolçusu sarı vərəqə ilə cəzalandığı üçün klub 1000 manat cərimə olunub. Oyunun 90-cı dəqiqəsində “İnter”in qapıçısı Georgi Lomaya hakimlər briqadasını təhqir etdiyinə görə 4 oyunluq cəzalanıb, klub 4000 manat cərimə olunub. Oyunun 90+3-cü dəqiqəsində “İnter”in futbolçusu Zurab Xizanişvili hakimlər briqadasını qarşı təhqiredici jest və ifadələr işlətdiyinə görə 4 oyunluq cəzalanıb, klub 4000 manat cərimə olunub. Oyun başa çatdıqdan sonra “İnter”in nümayəndəsi Natiq Əsgərov hakimlər briqadasını təhqir etdiyinə görə 5 oyunluq cəzalanıb, klub 5000 manat cərimə olunub.

Xəbər lenti

DAHA ÇOX XƏBƏR