Bentu Kuarejmanı Braziliyaya aparmadı

Portuqaliya millisinin bu il Braziliyada təşkil olunacaq dünya çempionatı üçün yekun heyəti açıqlanıb.

Publika.az xəbər verir ki, yığmanın baş məşqçisi Paulo Bentu 23 nəfərlik heyəti müəyyənləşdirib. Qeyd edək ki, Portu"nun hücumçusu Rikardo Kuarejma 30 nəfərlik heyətdə yer alsa da, baş məşqçi onu Braziliyaya aparmağı lazım bilməyib.

Portuqaliya millisinin heyətində dünya çempionatına yollanacaq 23 futbolçu bunlardır:

Qapıçılar: Betu ("Sevilya"), Eduardu ("Braqa"), Rui Patrisiu ("Sportinq").

Müdafiəçilər: Andre Almeyda ("Benfika"), Bruno Alveş ("Fənərbaxça"), Fabio Koentrao ("Real" Madrid), Joao Pereyra ("Valensiya"), Neto ("Zenit"), Pepe ("Real", Madrid), Rikardo Kosta ("Valensiya").

Yarımmüdafiəçilər: Joau Moutinyo ("Monako"), Miqel Veloso ("Dinamo", Kiyev), Raul Meyreleş ("Fənərbaxça"), Ruben Amorim ("Benfika"), Vilyam Karvalyo ("Sportinq").

Hücumçular: Kriştiano Ronaldo ("Real"), Eder ("Braqa"), Helder Poştiqa ("Latsio"), Huqo Almeyda ("Beşiktaş"), İvan Kavalyero ("Benfika"), Nani ("Mançester Yunayted"), Varela ("Portu"), Vieyrinyo ("Volfsburq").