“Əsl kişilər narıncı geyir”

Braziliyada keçiriləcək dünya çempionatında iştirak edəcək komandalar şüarlarını seçiblər.

Publika.az xəbər verir ki, komandalar sloqanlarla azarkeşlərinə səsləniblər. Həmin şüarları təqdim edirik:

Brazilya: “Hazırlaşın 6-cı çempionluq gəlir”.

Xorvatiya: “Ürəkdə alovla, hamı bir nəfər kimi Xorvatiya naminə!”

Meksika: “Hər zaman birgə, hər zaman asteklər!”

Kamerun: “Aslan aslan olaraq qalır”

İspaniya: “Ürəklərimizdə çempionluq ehtirası var”

Hollandiya: “Əsl kişilər narıncı geyir”

Çili: “Çi, Çi, Çi! Li, Li, Li! İrəli Çili”

Avstraliya: “Sokkeruz: “tarixə hoppanarkən!”

Kolumbiya: “Bura tək komanda yox, bütün ölkə gəlib”

Yunanıstan: “Qəhrəmanlar yunanlar kimi oynayır”

Kot d’İvuar: “Fillər Brazilyaya köklənib”

Yaponiya: “Samuraylar, döyüş vaxtı çatıb!”

Uruqvay: “3 milyon istək, irəli Uruqvay!”

Kosta Rika: “Ehtirasım futbol, gücüm xalqım, fəxrim Kosta Rika”

İngiltərə: “Bu komandanın arzusu milyonların ürək döyüntüsüdür”

İtaliya: “Dünya kuboku arzusunu göy rəngə boyayaq”

İsveçrə: “Son dayanacaq: 13.07.2014 “Marakana””

Ekvador: “Yeganə sədaqət, yeganə ehtiras, bir ürək. Hər şey sənin üçündür, Ekvador!”

Fransa: “Qeyri-mümkün, bu fransızlara xas olmayan sözdür”

Honduras: “Biz bir ölkə, bir millət, ürəkdə 5 ulduzuq”

Argentina: “Biz sadəcə komanda deyilik, biz nəhəngik”

Bosniya- Hersoqovina: “Ürəkdə əjdahalar, meydanda əjdahalar”

İran: “Eşq olsun İrana”

Nigeriya: “Biz yalnız birlikdə qalib gələcəyik”

Almaniya: “Bir ölkə, bir komanda, bir arzu”

Portuqaliya: “Keçmiş tarixdir, gələcəkdə yalnız qələbə”

Qana: “Qara ulduzlar: Brazilyanı işıqlandırmağa gəlmişik”

ABŞ: “Ehtirasla irəliləyən vahid komanda”

Belçika: “Qeyri-mümkün olanı gözləyin”

Əlcəzair: “Səhra döyüşçüləri, haydı Braziliyaya”

Rusiya: “Bizə çata bilməzlər”

Koreya: “Qırmızılar, həzz alın”

Aygün İlqarqızı