Ekopublika.az
Bakının yeni rəmzi təklif olunur – Foto
““Bakı nişan meydanı” daha bir memarlıq şedevri olacaq”.
Azərbaycan paytaxtı üçün “Bakı nişan meydanı” meydanının yaradılması ilə bağlı yeni layihə təklifi var.
Oxu.Az xəbər verir ki, bu meydanın yaradılması təşəbbüsü ilə Azərbaycanda ilk İnternet-radionun yaradıcısı, PR və Marketinq sahəsində ekspert Zaur Darabzadə çıxış edib.
Onun sözlərinə görə, Azərbaycan paytaxtının hər tərəfdən görünən məkanlarından birində Bakının rəmzinin (“Bakı nişan meydanı”) inşası bu müasir, eyni zamanda zəngin tarixə malik şəhərin əzəmətinin, sürətli inkişafının nümayişi olardı.
Layihənin məqsədləri haqda danışan Z.Darabzadə bildirib ki, “Bakı nişan meydanı” paytaxtdakı digər innovasiya layihələrilə yanaşı, daha bir memarlıq şedevri olacaq:
“Meydan Bakının paytaxta üz tutan xarici turistlərin yaddaşına Xəzər sahilində yerləşən 4 milyon əhaliyə malik meqapolis kimi həkk olunmasına səbəb olacaq”.
Meydanın hündür ərazidə - Teleqüllə yaxınlığında inşa olunması planlaşdırılır. Bu ərazi şəhərin müxtəlif hissələrindən əla görünür və bu üzdən həmin ərazini layihə üçün daha əlverişli hesab etmək olar. Axşam saatlarında meydanın xüsusi işıqlandırılması “Bakı nişan meydanı”-nı nəinki Dənizkənarı bulvarda dincələnlərin, həmçinin Heydər Əliyev, Nobel prospektləri və Zığ şossesi istiqamətlərindən şəhərə daxil olan yollardan asanlıqla görməsinə imkan yaradacaq.
“Bakı nişan meydanı” Dağüstü Park, Flame Towers, Teleqüllə və Funikulyordan ibarət memarlıq ansamblı və işıqlandırma sistemini tamamlayacaq”, - deyə Z.Darabzadə bildirib.
Bakıda inşası təklif olunan meydana dünyanın bir sıra ölkələrindən analoq gətirmək olar. Bunlar Hollivud (ABŞ), Bollivud (Hindistan), Vellivud (Vellinqton, Yeni Zelandiya), Pataye (Tailand), Braşovadakı (Rumıniya) və digər bir neçə şəhərdə olan komplekslərdir.
Bu şəhərlərin təcrübəsi göstərir ki, bu cür tikililər turistlər və şəhər sakinləri üçün ecazkar rəmzə çevrilir.
-
Rəsmi xronika16:53
İlham Əliyevin Almaniya XİN rəhbəri ilə görüşü keçirilir
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq