• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Dövlət büdcəsindən tikintiyə 3065 milyon manat xərclənib

Dövlət büdcəsindən tikintiyə 3065 milyon manat xərclənib

Ölkədə inşaat işlərinin aparılması üçün bütün maliyyə mənbələrindən əsas kapitala 9075.5 milyon manat vəsait qoyulub.

Publika.az xəbər verir ki, 2013-cü ilin müvafiq dövründəkindən 3 faiz çox vəsait yönəldilib. Əsas kapitala cəlb olunan vəsaitin 6596.7 milyon manatından tikinti-quraşdırma işlərində istifadə edilib. Əsaslı vəsaitin 67.7 faizi və ya 6140.7 milyon manatı məhsul istehsalı obyektlərinin tikintisinə sərf olunub. Əsas kapitala yönəldilmiş vəsaitin 6.4 milyard manatını və ya 70.8 faizini daxili investisyalar təşkil edib. Ötənilki səviyyədən 2.4 faiz az, xarici investisiya 18.9 faiz yüksək olub.

Tikinti kompleksinə yönəldilmiş vəsait hesabına çoxsaylı obyektlərdə inşaat işlərinin aparılması ilə yanaşı, bir sıra istehsal və qeyri-istehsal obyektləri istifadəyə verilib. Yeddi ay ərzində 986.5 min kv.metr sahəsi olan yaşayış evləri, 3300 şagird yerlik ümumtəhsil məktəbləri, 672 yerlik məktəbəqədər təhsil müəssisələri, 200 çarpayılıq xəstəxana, obyektlər istifadəyə verilib.

Cari ildə inşaat işlərinin aparılması üçün dövlət büdcəsindən ayrılması nəzərdə tutulan 5413.6 milyon manat vəsaitin 3065 milyon manatından istifadə edilib.

İqtisadiyyat şöbəsi

Xəbər lenti

DAHA ÇOX XƏBƏR