• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Prezident tərəfindən banklara güzəşt - QƏRAR

Prezident tərəfindən banklara güzəşt - QƏRAR

Banklar və digər kredit təşkilatları tərəfindən fiziki şəxslərin Əmanətlərin üzrə ödənilən faizlərin gəlir vergisindən azad edilməsi haqqında qərar qəbul edilib.

Azərbaycan Respublikasının Prezidenti İlham Əliyev qərar qəbul edib: Banklar və digər kredit təşkilatları tərəfindən fiziki şəxslərin əmanətləri üzrə ödənilən faizlər 2014-cü il yanvarın 1-dən 1 (bir) il müddətinə gəlir vergisindən azad edilsin. Bununla bağlı İqtisadçı – Ekspert Samir Əliyev –in fikrini öyrəndik. “Bu bir illik qərardır.

Yəni, 2014 –cü ilin Yanvarın 1 –dən Dekabrın 31-dək qüvvədədir. Bundan əvvəldə belə bir güzəşt tətbiq olunub.

Bu güzəşt, təxminən 60 – 70 milyon civarında ümumi əmanətçilərə qazanc verir. Bunun əsas məqsədi, təbii ki, əmanətin stimullaşdırılması idi. Çünki, təxminən 90 –cı illərin sonlarına qədər insanların bank sektoruna inamı demək olar ki, aşağı olub. Səbəb isə, 90 –cı illərin əvvəllərində bankların insanları aldatması olub.

Bunun üçün dövlət, banka olan inamı artırmaq və əmanətləri stimullaşdırmaq üçün bu addımı atıb. Bəzi insanlar, böyük həcmdə vəsaitlərini evlərində, sandıqların içində saxlamağa üstünlük verir. Bu pulların orda qalması, kapitala çevrilir və iqtisadiyyatda istifadə edilmir. Həmin vəsaitləri bank sektoruna yönəldəndə, iqtisadiyyatda istifadəsinə gətirib çıxarır.

Dəqiq olaraq, əmanət şəklində yatırılan vəsaitləri, banklar kredit şəklində iqtisadiyyata yönəldir. Bu baxımdan, əmanətlərin artırılmasının təbii ki, çox müsbət tərəfi var. 2015 –ci ildə güzəştin tətbiq edilməsinə yenə də, dövlət özü qərar verəcək.

Odər Qəni

Xəbər lenti

DAHA ÇOX XƏBƏR