Məcburi eniş edən təyyarə Bakıya GƏLİR

Texniki nasazlıq səbəbindən Şoudu hava limanına məcburi eniş edən təyyarə artıq Bakıya yola salınıb.

Bu barədə Publika.az-a AZAL-ın mətbuat xidmətinin rəhbəri Paşa Kəsəmənski məlumat verib.

Onun sözlərinə görə, hava limanında Çin mühəndisləri təyyarəyə baxış keçirib.

“Təyyarədə heç bir problem aşkarlanmayıb. Sadəcə dünən təyyarəyə havaya qalxanda nasazlıq olması barədə xəbərdarlıq gəlib. Təhlükəsizlik səbəbindən təyyarə eniş edib. Lakin mühəndislərin baxışı zamanı problem olmadığı məlum olub. Bu gün 13:00-da Bakıya eniş etməsi gözlənilir”.

Xatırladaq ki, dünən Pekindən Bakıya uçan "Azərbaycan Hava Yolları"na (AZAL) məxsus sərnişin təyyarəsi texniki səbəbdən Şoudu hava limanına geri qayıdib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Havaya qalxdıqdan sonra "Boeing 767" hava gəmisinin komandiri geri qayıtmaq qərar qəbul edib və yanacaq sərf etdikdən sonra Bakı vaxtı ilə saat 23:28-də uğurlu eniş edib.

Təyyarənin göyərtəsində 170 sərnişin və 11 ekipaj üzvü olub.

Gülxar