Nida.az
Vaşinqton Qarabağı Azərbaycana qaytarır? – ŞƏRH
ATƏT-in Minsk qrupunun amerikalı həmsədri Ceyms Uorlik həmsədrlərin Moskva səfərindən sonra maraqlı açıqlamalar verdi. “Azərbaycan torpaqları azad olunmalı, işğal olunmuş torpaqlar Azərbaycana qaytarılmalıdır” deyən Uorlik Azərbaycanın ədalətli mövqeyini ifadə etsə də, onun torpaqlar qaytarıldıqdan sonra bölgəyə beynəlxalq sülhməramlıların yeridilməsi haqda fikirləri birmənalı qarşılanmır.
Politoloq Fikrət Sadıqov Publika.az-a
açıqlamasında bildirib ki, Ceyms Uorlik kifayət qədər ziddiyyətli
bəyanatlar sərgiləyən diplomatdır: “Onun “Azərbaycan torpaqları
azad olunmalı, işğal olunmuş torpaqlar Azərbaycana qaytarılmalıdır”
ifadəsi bizim maraqlarımıza cavab verən ifadədir. Amma
sülhməramlıların yerləşdirilməsi isə çox mücərrəd məsələdir. Biz o
nöqtəyə çatanadək böyük mərhələ keçməliyik, torpaqlar azad
olunmalıdır, Dağlıq Qarabağın ətrafındakı rayonlarla bağlı
danışıqlar davam etdirilməli, status məsələsi Azərbaycanın ərazi
bütövlüyü çərçivəsində həll olunmalı, qaçqınlar yerlərinə
qayıtmalıdır. Ondan sonra sülhməramlıların yerləşməsi məsələsi
gündəmə gələ və onun ətrafında müzakirələr gedə bilər. Bu prosesin
necə formatda olacağı, hansı dövlətlər təmsil olunacağı və harada
yerləşəcəyi, o cümlədən hansı beynəlxalq təşkilatın mandatı altında
fəaliyyət göstərəcəyi kimi məsələlər sonra dəqiqləşə bilər. İndi
reallığı yaddan çıxarıb sabahı fikirləşmək və bu barədə danışmağa
hələ dəyməz”.
Politoloq ABŞ-ın münaqişəni həll edərək Azərbaycanın təqdirini
qazanmaq niyyətində olduğunu bildirib: “Dünyadakı geosiyası
qarşıdurma elə bir vəziyyətə gəlib çatıb ki, ABŞ Cənubi Qafqazda öz
maraqları çərçivəsində hər hansı addım atmalıdır. Uorlik bunu çox
gözəl başa düşür. Çünki ABŞ ilə Rusiya arasında qarşıdurma fonunda
Vaşinqton bilir ki, Azərbaycandan üz döndərsə, ölkəmiz başqa bir
müttəfiq axtarışında olacaq. Uorlikin bəyanatı bu fikirlərdən irəli
gəlir. Amma bəyanat səviyyəsindən praktiki addımlara keçmək
lazımdır. 20 il ərzində səslənən bəyanatlardan yorulmuşuq. Bizə
real addımlar lazımdır. ABŞ kimi bir ölkənin diplomatı “Azərbaycan
torpaqları azad olunmalıdır” fikrini irəli sürürsə, bu istiqamətdə
konkret iş görsünlər”.
F. Sadıqov Azərbaycan və Ermənistan Prezidentləri arasında bu il
baş tutması gözlənilən görüşə də toxunub.
“Görüş naminə keçirilən görüş heç bir nəticə verə bilməz.
Azərbaycanla Ermənistanı eyni səviyyəyə qoymamalıdırlar.
Münaqişənin müxtəlif səviyyəli iştirakçısıyıq. Ermənistanın yox,
bizim torpaqlarımız işğal olunub. Minsk qrupunun həmsədrləri,
xüsusilə ABŞ nümayəndəsi Uorlik bu barədə danışırsa, Azərbaycan
torpaqlarının azad olunması prosesinə başlanmalıdır. Bu istiqamətdə
təklifləri isə həmsədrlər irəli sürməlidir”, - deyə politoloq qeyd
edib.
Asif Nərimanlı
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi