Nida.az
Gənclər təşkilatları ilə iş sektorunun müdiri: “Heyətin formalaşdırılması davam edir”
Prezident Administrasiyasının ictimai-siyasi məsələlər şöbəsində yenicə yaradılmış gənclər təşkilatları ilə iş sektorunun müdiri Vüsal Quliyev aprelin 17-də “Media forum” saytının suallarını cavablandırıb.
- Sektora müdir təyin olunmamışdan əvvəl gənclərlə iş təcrübəniz var idimi?
- 1999-cu ildən ictimai sektorda çalışıram. Öncə Maarifçi Gənclər Üçün Təhsil Mərkəzinin sədr müavini olmuşam. 2000-ci ildə isə Bakıda bir qrup hüquqşünas tələbə ilə birlikdə Gənclər Mərkəzi yaratdıq. Həmin təşkilat hazırda da ölkənin ən fəal 10 qurumdan biridir. 2008-ci ilə qədər həmin təşkilata rəhbərlik etmişəm, çox proqram və layihələrin icrasını həyata keçirmişəm. Rəhbərlik etdiyim vaxtlarda Gənclər Mərkəzi 5 beynəlxalq quruma üzv olub.
2008-ci ildə Qeyri-Hökumət Təşkilatlarına Dövlət Dəstəyi Şurası yarananda məni ora hüquqşünas kimi dəvət etdilər. Şurada QHT-lər, xüsusilə də gənclər təşkilatları ilə birgə işlədim. 15 ilə yaxındır QHT-lər və gənclər təşkilatları ilə əməkdaşlıq edirəm.
- Sektor müdiri kimi nə planlarınız var?
- Cənab prezident İlham Əliyevin sərəncamı ilə sektor bir neçə gündür yaranıb. Bizim qarşımızda gənclər təşkilatları ilə sıx təmas qurmaq, dövlət qurumları, xüsusilə də Gənclər və İdman Nazirliyi, Gənclər Fondu ilə birgə gənclərin problemləri və təkliflərini öyrənmək vəzifəsi qoyulub. Bu iş cənab prezidentin müəyyən etdiyi gənclər siyasətinə uyğun olaraq aparılacaq.
Sektor yeni yarandığı üçün hazırda heyət formalaşdırılır. Artıq müəyyən tədbirlər planı hazırlamağa başlamışıq. Həmin plan təsdiqlənmək üçün rəhbərliyə təqdim olunacaq.
- Sektorda neçə nəfər çalışacaq?
- Hələlik sektor 4 nəfərdən ibarətdir. Amma gənclər təşkilatları ilə iş sahəsində təcrübəsi olan şəxslərdən ibarət heyətin formalaşdırılması davam edir.
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər
-
Sosial25 Aprel 23:48
Bakıda ayıq sürücü müştərinin "Land Rover”indən oğurluq etdi
-
Səhiyyə25 Aprel 23:12
Onkoloqdan XƏBƏRDARLIQ: bu xəstəliklər xərçəngə çevrilə bilər
-
Magazin125 Aprel 22:48
Müşfiq Musanın məşhur mahnısını oxudu - VİDEO
-
Magazin125 Aprel 22:00
Firuzə İbadova həmin xəbəri TƏKZİB ETDİ: "Onun ruhu şad olsun deyə..."