• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

İsmayıl Ömərov İTV-nin ittihamlarına cavab verdi - Özəl

  • Nida.az
  • 29 Aprel 2014 13:25
  • 1 115 Baxış
İsmayıl Ömərov İTV-nin ittihamlarına cavab verdi - Özəl

“Bunun mənə dəxli yoxdur, mənim rəhbərliyim dövründə belə şey olmayıb”.

Bu barədə İctimai Televiziya və Radio Yayımları şirkətinin keçmiş rəhbəri İsmayıl Ömərov Publika.Az-a açıqlamasında İTV rəhbərliyinin onu “Blue Water Shipping Caspian Ltd” şirkətinin pulunu ödəməməkdə ittiham etməsinə münasibət bildirərkən deyib.

İ. Ömərov qeyd edib ki, o bu barədə daha danışmaq istəmir: “Müavinim hər şeyə aydınlıq gətirib. Onu deyə bilərəm ki, deyilənlərin mənə dəxli yoxdur”.

Qeyd edək ki, beynəlxalq daşımaçılıqla məşğul olan “Blue Water Shipping Caspian Ltd” şirkəti İTV-ni məhkəmə verib. Şirkət televiziyadan gördüyü işin müqabilində pul tələb edir.

İTV isə bunun İsmayıl Ömərovun vaxtında baş verdiyini deyib.

“Məhkəmə prosesinin indiki rəhbərliklə heç bir əlaqəsi yoxdur. Bu hadisə 2012-ci ildə Bakıda keçirilən “Avroviziya” mahnı müsabiqəsi ilə bağlıdır. O zaman İTV üzərinə bəzi öhdəliklər götürüb. Ancaq bunu yerinə yetirməyib. Hazırda işə məhkəmədə baxılır. Məhkəmənin verəcəyi qərara əsasən işimizi görəcəyik”-deyə bildirilib.

Asif

Xəbər lenti

DAHA ÇOX XƏBƏR