• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

"Bizim ən böyük güzəştimiz danışıqlar prosesində iştirakdır” - ÖZƏL

  • Nida.az
  • 29 Yanvar 2014 18:51
  • 1 176 Baxış
"Bizim ən böyük güzəştimiz danışıqlar prosesində iştirakdır” - ÖZƏL

Prezident Administrasiyasının (PA) Siyasi təhlil və informasiya təminatı şöbəsinin müdiri Elnur Aslanov Çiçəklənən Ermənistan Partiyasının deputatı Naira Zoqrabyanın Azərbaycan Prezidentini ermənilərə qarşı millətçi çıxışlar etməkdə, Ramil Səfərovun azadlığa buraxılması və Azərbaycanda rahat yaşamasına görə “günahlandırması”nı şərh edib.

PA-nın şöbə müdiri E.Aslanov Publika.Az-a açıqlamasında deyib: “Ermənistan parlamentinin deputatı Naira Zoqrabyan əgər AŞPA tribunasından Ermənistan prezidenti Serj Sarkisyanın beynəlxalq ədalət mühakiməsinə verilməsini tələb etsə idi, biz onu başa düşərdik. Çünki Serj Sarkisyan bəşəri cinayət olan Xocalı soyqırımında iştirakını dəfələrlə təsdiq edib, Ermənistanın keçmiş prezidenti Robert Köçəryan isə elə AŞPA tribunasında bununla “fəxr edib”.

N.Zoqrabyanın Azərbaycan Prezidentinin ünvanına söylədiyi fikirləri Ermənistanın daxili auditoriyaya hesablanmış növbəti sayıqlamaları hesab etmək lazımdır. Ancaq artıq bu cür siyasi manipulyasiya texnologiyaları köhnəlib, belə bəyanatlar Ermənistanın öz içərisində də gülüş doğurur, əhali kriminal hərbi rejimin ölkəni hansı fəlakətə sürüklədiyinin fərqindədir”.

E.Aslanov qeyd edib ki, Ermənistan siyasətçiləri hər şeyi və hər kəsi öz adı ilə çağırmağa cəsarət tapmalıdır: “Cənubi Qafqazın lider dövləti olan Azərbaycan heç zaman öz torpaqlarının işğal altında qalması ilə barışmayacaq. Ermənistan indi öz gələcəyini düşünməli, yoxsulluq və səfalət içərisindəki ölkənin inkişafının ancaq Azərbaycan torpaqlarının boşaldılmasından asılı olduğunu dərk etməlidir. Bizim ən böyük güzəştimiz danışıqlar prosesində iştirakdır.

O ki qaldı onun Ramil Səfərov barəsində söylədiklərinə, Azərbaycan burada ədaləti bərpa edib. Azərbaycan dövlətinin iradəsinə, qərarlarına heç bir qüvvə, cümlədən Naira Zoqrabyanın cəfəngiyyatları təsir edə bilməz. Azərbaycanla hesablaşmamaq nəticə əldə etməmək deməkdir”.

Xatırladaq ki, Çiçəklənən Ermənistan Partiyasının deputatı Naira Zoqrabyan Avropa Şurası Parlament Assambleyasında məsələ qaldırıb. O, Azərbaycan Prezidentini ermənilərə qarşı millətçi çıxışlar etməkdə “günahlandırıb”.

Erməni deputat həmçinin Ramil Səfərovun azadlığa buraxılması və Azərbaycanda rahat yaşamasında Prezident İlham Əliyevi “günahlandırıb”.

Vasif Həsənli

Xəbər lenti

DAHA ÇOX XƏBƏR