• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Azərbaycanla Serbiya arasında hərbi əməkdaşlıq məsələləri müzakirə olunub

  • Nida.az
  • 12 Avqust 2014 13:28
  • 641 Baxış
Azərbaycanla Serbiya arasında hərbi əməkdaşlıq məsələləri müzakirə olunub

Avqustun 12-də Azərbaycan Respublikasının müdafiə naziri general-polkovnik Zakir Həsənov ölkəmizdə rəsmi səfərdə olan Serbiya Respublikasının müdafiə naziri cənab Bratislav Qaşiçi qəbul edib.


Nazirliyin mətbuat xidmətindən Publika.az-a verilən məlumata görə, B.Qaşiçin rəhbərlik etdiyi nümayəndə heyəti əvvəlcə Fəxri xiyabanda Ümumilli Lider Heydər Əliyevin və Zərifə xanım Əliyevanın, sonra Şəhidlər xiyabanında ölkəmizin müstəqilliyi, ərazi bütövlüyü uğrunda şəhid olmuş vətəndaşlarımızın məzarlarını ziyarət edərək əklillər və gül dəstələri qoyublar.


Sonra B.Qaşiçin Müdafiə Nazirliyində rəsmi qarşılanma mərəsimi keçirilib. Hər iki ölkənin dövlət bayrağının dalğalandığı meydanda Serbiyanın Müdafiə nazirinin şərəfinə fəxri qarovul dəstəsi düzülüb. Fəxri qarovulun rəisi raport verdikdən sonra Serbiyanın və Azərbaycanın dövlət himnləri səsləndirilib. Rəsmi protokola uyğun olaraq qonaq Şərəf Kitabını imzalayıb.


Nümayəndə heyətlərinin iştirakı ilə keçirilən görüşdə Müdafiə naziri general-polkovnik Zakir Həsənov qonaqları salamlayaraq, cari ilin fevral ayında Serbiyaya rəsmi səfəri zamanı aparılan danışaqların və keçirilən görüşlərin uğurla baş tutduğunu xatırlayıb, hərbi əməkdaşlığın tərəflər arasında imzalanan saziş əsasında həyata keçirildiyini və bu əlaqələrin daim inkişaf etdiyini qeyd edib.


Ölkələrimizin yerləşdikləri regionlardakı hərbi-siyasi vəziyyət və təhlükəsizlik məsələləri barədə danışan müdafiə naziri dövlətlərimizin separatçılıqla üz-üzə qaldığını xüsusi vurğulayıb.


B.Qaşiç öz növbəsində ölkələrimiz arasında mühüm strateji əməkdaşlığa, dost və mehriban münasibətlərin mövcudluğuna toxunaraq Serbiyanın hər zaman Azərbaycanın suverenliyi, ərazi bütövlüyünə tərəfdar olduğunu bildirib.


Sonra Azərbaycanla Serbiya arasında hərbi təhsil, hərbi texniki sahələrdə və qarşılıqlı maraq doğuran digər məsələlər ətrafında geniş fikir mübadiləsi aparılıb.


Serbiya Müdafiə nazirinin Azərbaycana səfəri avqustun 13-dək davam edəcək.

Xəbər lenti

DAHA ÇOX XƏBƏR