Nida.az
İsa Qəmbərdən Əli Kərimliyə yeni “jest”: qalib kim olacaq?
Müsavat başqanı İsa Qəmbərin təşəbbüsü ilə yaradılan Birləşmiş Müdafiə Komitəsi AXCP sədrinə yenidən dəvət göndərib.
Publika.az xəbər verir ki, komitənin bu gün
keçirilən iclasında çıxış edən Azərbaycan Demokrat Partiyasının
(ADP) sədri Sərdar Cəlaloğlu deyib ki, hazırlanan xartiyaya
AXCP-nin də qoşulması təklif olunsun.
Azadlıq partiyasının sədri Əhməd Oruc isə deyib ki, ümumiyyətlə, AXCP iclaslara dəvət edilsin: “Biz iclaslara dəvət edək, gəlməsələr, özləri bilərlər”.
AXP sədri Pənah Hüseyn AXCP sədri Əli Kərimli ilə danışdığını bildirib və söyləyib ki, xartiyanı müzakirə edə bilərlər.
Qeyd edək ki, məhbusların hüquqlarının müdafiə məsələsi müxalifəti
ikiyə parçalayıb. İsa Qəmbərin təşəbbüsü ilə yaradılan 14 siyasi
partiyanın təmsil olunduğu komitə Əli Kərimliyə dəvət göndərsə də,
AXCP sədri bunu qəbul etməyib. Əvəzində onun təşəbbüsü ilə Milli
Şura da ayrıca komitə yaradıb.
Komitələr bir-birini fəaliyyətsizlikdə də ittiham edirlər.
Belə ki, Milli Şuranın yaratdığı komitənin həmsədri Vidadi Mirkamal
Publika.az-a açıqlamasında qarşı tərəfi ittiham edərək bildirir ki,
özlərinə sığışdırıb Milli Şuranın yaratdığı Müdafiə Komitəsinə
gəlmədilər.
“Onların komitəsində təmsil olunanlar Milli Şuradan ayrılandan
sonra kənarda qalanlardır. Komitənin adında beynəlxalq sözü olsa
da, üzvləri elə Müsavatın üzvləridir. Həmçinin KXCP-çilər, Arif
Hacılı, Gülağa Aslanlı kimi adamlar və Milli Şuraya üzv olanlar
orda təmsil olunur. Onların bəziləri həm də Milli Şuranın yaratdığı
komitənin üzvləridir. Milli Şuranın təşəbbüsü ilə yaradılan komitə
onların komitəsindən 10-15 gün əvvəl yaradılıb. Biz yaranan kimi
vəkillərlə görüşür, həbsxana şəraiti haqda maraqlanır, beynəlxalq
təşkilatları məsələ ilə bağlı məlumatlandırırıq. Həmçinin
səfirliklərlə bu məsələni müzakirə edirik. Onlar nəsə müsbət iş
görürlərsə, bu yaxşıdır. Amma indiyə qədər heç nə etməyiblər. Hər
halda belə görünür”, - deyə komitə sədri bildirib.
İsa Qəmbərin təşəbbüsü ilə yaradılan komitənin üzvü Xəzər Teyyublu
isə qarşı tərəfin ittihamını qəbul etmir. O, “danışmaqdansa,
işləmək lazımdır” deyə bildirir.
İndi Əli Kərimliyə yenidən dəvət göndərməklə, görünür, münasibətlərdəki buzları əritmək istəyirlər. Amma Ə. Kərimli bunu qəbul edəcəkmi? Çünki söhbət təkcə müdafiədən yox, nüfuz savaşı və Qərb təşkilatlarının müdafiəyə görə dəstəyini və ayıracağı maliyyəni kimin almasından gedir. Bu, kimin özünü daha yaxşı göstərməsi kimi bir şeydir.
Asif Nərimanlı
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi