Nida.az
“Rusdilli təbəqəyə yarınan müxalif siyasətçilər...”- Müxalifətdə “rus dili” davası
REAL Hərəkatının İdarə Heyətinin üzvü Azər Qasımlı Müsavat Partiyasının Məclis üzvü Hikmət Hacızadəni kəskin tənqid edib.
Publika.az xəbər verir ki, A. Qasımlı Hacızadənin “Azadlıq” radiosunun “Pen klub” verilişində “rus bölməsi yaxşıdır, yoxsa Azərbaycan bölməsi” ətrafında açdığı müzakirədəki fikirləri ilə razılaşmadığını bildirib: “Hikmət bəy, xətrinizə dəyməsin, sizin bildiyiniz bir iş yoxdur. Bir daha 1992-də sizlərin nədən hakimiyyəti əldə saxlaya bilmədiyiniz məlum oldu. Adınızı “milli demokratik qüvvələr” qoymusunuz, amma danışdığınız manqurtluqdan başqa bir şey deyil. Allah eləməsin ki, bu hakimiyyətdən sonra sizlər hakimiyyətə gələsiniz. Nöqtə. Bir sözlə - gedin pensiyaya, yeriniz oradadır! Xalqımıza yazığım gəldi... Milli siyasət anlayışından uzaqdırlar. Tutuquşu kimi bir sözü on dəfə təkrarlayırlar, amma məzmun sıfırdır”.
H. Hacızadə tədrisin ana dilində olmasının vacibliyini vurğulasa da, söyləyib ki, mütləq şəkildə pilot dili olmalıdır: “Pilot dili olmasa, intellektual cəhətdən zəifləyəcəyik”.
Qeyd edək ki, sözügedən verilişdə REAL-çı Erkin Qədirli də iştirak
edib. H. Hacızadə deyib ki, E. Qədirli rus bölməsini qurtardığı
üçün onun bu barədə danışmağa haqqı yoxdur.
E. Qədirli rus bölməsində təhsil alsa da, rus və ingilis dilinin
xarici dil kimi keçirilməsinin tərəfdarı olduğunu deyib: “Rus
bölməsində təhsil alanlar ruslaşırlar və ana dilində danışa
bilmirlər, Azərbaycan dilində ancaq məişət səviyyəsində danışırlar.
Rus bölməsində milli ruh yoxdur. Çoxdan rus bölməsi bağlanmalı idi.
Əlifba və milli valyuta kimi radikal şəkildə bağlanmalı idi. Sovet
vaxtı və bir müddət sonra da “rus bölməsi Azərbaycan bölməsindən
yaxşıdır” fikri hakim idi, Amma bugünkü halda o fərq həlledici
deyil. Artıq Azərbaycan bölməsi rus bölməsini üstələyir. Burada
türk liseylərinin, özəl kursların da rolu olub. Azərbaycan
bölməsində tədrisin keyfiyyəti rus bölməsinin mövcudluğuna birbaşa
bağlıdır. Rus bölməsi bağlanmayana qədər Azərbaycan bölməsində
keyfiyyət artmayacaq. Azərbaycan vergiödəyicilərindən yığılan
pullar hesabına övladlarımızı başqa dövlətin dilində tədris edirik.
Söhbət dövlət təhsil sistemindən gedir. Kimsə özəl fondlar hesabına
rusdilli məktəb açmaq istəyirsə, buyursun. Söhbət dövlət
məktəblərindən, dövlət büdcəsindən xərclənən pullardan gedir.
Siyasəti bu iki şeyə bağlamaq lazımdır”.
H. Hacızadənin “Dünyadan informasiyanı necə, hansı dildə alaq?” sualına E. Qədirli belə cavab verib: “Köhnə nəsil rus dilindən, yeni nəsil ingilis, fransız, alman dilindən, kim hansı dildə istəsə, ala bilir”.
Hacızadə isə etiraz edib: “İndi rus dilinə nə qədər vəsait
xərclənibsə, bir o qədər ingilis dilinə xərcləmək lazımdır. Onu
bacarırsınızmı, yoxsa, onu da itirəcəyik, bu da gəlməyəcək.
Əlimizdə Cəlil Məmmədquluzadə qalacaq”.
Erkin Qədirli isə söyləyib ki, söhbət 200 ildə xərclənmiş puldan
gedirsə, onu biz yox, Moskva xərcləyib: “Moskvanın etdiyi mədəni
siyasət deyil. İndi internet dövründə məlumatın qarşısını alan
yoxdur. Lap dili bilməyən “google translate” ilə oxuyacaq.
Vəziyyətdən çıxmaq istəyən çıxış yolunu tapacaq. Azərbaycan
hökuməti rus dilini qorumalıdır? Bu nə yanaşmadır? Rus dili bizə
təbii yolla gəlməyib. Təbii yolla dilimizi sıxışdırsaydı, siz deyən
olardı, amma siyasətlə gəldi”.
H. Hacızadə dialoqu lağlağı müstəvisinə keçirib, buna isə E.
Qədirli etiraz edib: “Hikmət bəy, sizinlə ciddi danışmaq olmur,
vallah hər şeyi lağa qoyursunuz”.
Bu məsələ sosial şəbəkədə ciddi müzakirələrə səbəb olub. Tərəflər
qarşılıqlı ittihamlar da irəli sürüblər.
Azər Qasımlı isə REAL-ın dil siyasəti ilə bağlı atmaq istədiyi
addımları sadalayaraq bunu edə biləcəklərini deyib.
“Buna inanmayanlar isə gedib başqa işlərlə məşğul olsunlar, dövləti dağıtmasınlar, xalqın da başını mənasız arqumentləri ilə aldatmasınlar. Rusdilli təbəqəyə yarınmaq istəyən müxalif siyasətçilərin isə strateji məsələlərdə populizmlə məşğul olmaları təəssüf doğurur”, - deyə o vurğulayıb.
Asif Nərimanlı
-
ABŞ08:29
Bir anlıq intihar barədə düşündüm, amma... - Baydendən gözlənilməz ETİRAF
-
Sağlamlıq08:17
Valideynlərin NƏZƏRİNƏ: Son günlər azyaşlılar arasında yayılan yeni virusun simptomları
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO