• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Nazirlik itkilər barədə məlumatları yalanladı

  • Nida.az
  • 25 Dekabr 2014 12:00
  • 297 Baxış
Nazirlik itkilər barədə məlumatları yalanladı

Ermənilərin Azərbaycan Ordusunun cəbhədə diversiya cəhdi barədə yaydığı məlumatların yalan olduğu müəyyən edilib.

Bunu Trend-ə Azərbaycan Respublikasının Müdafiə Nazirliyinin mətbuat xidmətindən bildiriblər.

Müdafiə Nazirliyi bildirir ki, Ermənistan tərəfinin Azərbaycan Ordusunun cəbhədə diversiya cəhdi və itkilər verməsi barədə yaydığı məlumatlar dezinformasiya xarakteri daşıyır: “Erməni tərəfi bu tip informasiyaları dövriyyəyə buraxmaqla informasiya təxribatı həyata keçirirlər.

Ermənilər Azərbaycan Ordusunun cəbhədə diversiya cəhdi barədə informasiyaları yaymaqla ehtimal olunan təxribatlarına zəmin yaradırlar. Əsas odur ki, Azərbaycan Ordusunun cəbhədə itkiləri yoxdur, vəziyyət nəzarət altındadır. Bu birinci dəfə deyil ki, erməni tərəfi bu cür məlumatlar yayır. Bu hal dəfələrlə olub. Bu dəfə də müəyyən olunub ki, məlumatlar yalan və həqiqətə qətiyyən uyğun deyil. Adətən, belə dezinformasiyalardan sonra onların özlərində itkilərin olduğu üzə çıxır”.

Qeyd edək ki, Ermənistan KİV-lərində dekabrın 25-i saat 01:30-da Azərbaycan Ordusu tərəfindən guya cəbhədə diversiya cəhdinin olduğu və Ermənistan silahlı birləşmələrinin əks tədbirləri nəticəsində Azərbaycan tərəfinin itki verərək geri çəkilməyə məcbur edildiyi barədə məlumat yayılıb.

Xəbər lenti

DAHA ÇOX XƏBƏR