Nida.az
“Azərbaycan tarixi” dərsliyinin həmmüəllifindən Cəmil Həsənliyə pedaqoji cavab
“Cəmil Həsənlinin son günlərdə yaratdığı polemika, “Azərbaycan tarixi - 5” dərsliyində “Talış xanlığı” haqqında məlumatın olmaması iradı tamamilə yersizdir”.
Bunu Publika.az-a açıqlamasında “Azərbaycan tarixi - 5” dərsliyinin
həmmüəllifi Leyla Hüseynova deyib.
Dərsliyin həmmüəllifi Milli Şura sədri, tarixçi alim Cəmil
Həsənlinin “Talış xanlığı”nın tarix dərsliklərinə salınmaması haqda
yaratdığı polemikaya metodik təhlillə cavab vermək istədiyini
bildirib: “5-ci sinif şagirdləri xanlıqlar dövrü haqqında məhdud
məlumat alır. Çünki bu dərslik kurikulum tələbləri əsasında
yazılıb. Dərslikdə Şəki xanlığı ilk xanlıq olduğuna, Qarabağ və
İrəvan xanlıqları isə Azərbaycanın bugünkü bəlalarının məkanı
olduğuna görə yer alıb. Gəncə xanlığı tarix fənni üzrə kurikulumun
şəxsiyyət məzmun xəttini reallaşdırmaq üçün Cavad xanın
qəhrəmanlığını əsas götürərək verilib. Heç bir mətndə bütün
xanlıqlar-şimal və ya cənub xanlıqları sadalanmayıb. Xanlıqlar
dövrünü, eləcə də Lənkəran xanlığını məktəblilər 8-ci sinifdə daha
geniş şəkildə öyrənəcəklər”.
L. Hüseynova qeyd edib ki, 5-ci sinif şagirdləri qəhrəmanlarımız
sırasında Həzi Aslanovun döyüş yolunu öyrənir: “Bu vətənpərvərlik
tərbiyəsində böyük təsirə malikdir. Lənkəranda doğulub böyümüş Həzi
Aslanov haqqında mətnin dərsliyə salınmasını vacib sayırıq. Lakin
tarixçi alimin bölgələrdə şagirdlərin öz vətənini dərslikdə görə
bilməməsinə olan narahatlığı əbəsdir. Hamımızın bir vətəni var -
Azərbaycan! Hər kəs öz şəhərini, rayonunu, kəndini dərslikdə
axtarmamalıdır. Xüsusən, 11 yaşlı kiçik azərbaycanlılara bölgə
tarixini aşılamaqdansa, azərbaycançılığı aşılamağı üstün
tutmalıyıq. Orta məktəb dərsliyini siyasətdə istifadə etməklə
siyasətə yeni tərz gətirmək və guya polemika yaratmaqla ictimaiyyət
arasında ziddiyyət toxumu səpmək heç bir azərbaycanlıya
yaraşmaz”.
Asif Nərimanlı
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi
-
Magazin11 May 20:30
"Komedixana"nın aktrisası rəqsi ilə diqqət çəkdi - VİDEO