Nida.az
Sarkisyanın 32 dişi: İrəvan təlaşda
Ermənistanda sosial partlayış gözlənilir. Bu ölkənin ekspertləri sadə insanların səbir kasasının daşdığını bildirirlər.
Publika.az Rusiya mediasına istinadən xəbər verir
ki, Ermənistan müxalifəti yaxın aylarda İrəvanda və bölgələrdə
ciddi mitinqlərə hazırlaşır.
“Çiçəklənən Ermənistan” partiyasının lideri Qaqik Sarukyan ölkədə
siyasi inhisarçılığın olduğunu, hakimiyyətin özbaşınalığa yol
verdiyini bildirib.
“Savadlı mütəxəssisləri, Ermənistanda və onun hüdudlarından kənarda
yaşayan erməniləri mövcud hakimiyyətin alternativinin formalaşması
üçün birləşməyə dəvət edirəm. Bütün siyasi qüvvələr oyundan kənarda
qalıb. Hakimiyyət isə ölkəni monopoliyaya alıb. Top indi
hakimiyyətdədir. Lakin onun ömrü əbədi deyil. Bunu yuxarıda
oturanlar yaxşı düşünməlidirlər”, - deyə o bildirib.
Sarukyan qeyd edib ki, Gümrü hadisələri, qiymət artımları, sosial
problemlər ciddi partlayışın əsasını qoyub. Onun sözlərinə görə,
bir daşın yerindən tərpənməsi yüz minlərlə insanın küçələrə
çıxmasına səbəb ola bilər: “Bu, qarşısıalınmaz dalğa olacaq”.
“Lragir” saytı isə 2015-ci ilin yanvar ayının Ermənistan üçün sınaq
olduğunu yazıb.
“Cəbhədə itkilər Ermənistan hakimiyyətinin “güclü ordu” mifini
dağıtdı.
Gümrüdəki hadisələr ölkənin siyasi elitasının acizliyini göstərdi.
Sən demə, Ermənistan Rusiyanın müstəmləkəsi imiş. Bu əvvəldən bəlli
idi. Lakin Gümrü hər şeyi açıq şəkildə ortaya çıxartdı.
Türkiyə Rusiya ilə öz əlaqələrini sıx tellərlə bağlayır. Zaman həm də Azərbaycanın xeyrinə işləyir. İrəvan isə Moskvadan üz döndərmək fikrində deyil. AŞPA-da Rusiyanın əleyhinə çıxmaq İrəvanın vassal olmaqdan qurtulmaq üçün etdiyi zəif cəhd idi. Lakin hər şey cəhdlə başa çatır və ciddi əməli addım atılmır.
Orduda varlılarla kasıblar arasında sədd çəkilib. Varlı insanların övladları ya orduya getmir, ya da orduda padşah kimi yaşayırlar. Ermənistanda yaranmış vəziyyətdən yeganə çıxış yolu hakimiyyət dəyişikliyidir”.
Ermənistan parlamentinin deputatı Lyudmila Sarkisyan da yaranmış
vəziyyətdən çıxış yolunu hakimiyyət dəyişikliyində görüb. Onun
sözlərinə görə, çoxları bu mərhələ üçün hakimiyyətə vaxt verilməli
olduğunu deyir: “Mən belə düşünmürəm. Bacarıqsız hakimiyyətin sonu
çatıb. 2008-2014-cü illərdə iqtisadi böhran səbəbi ilə 300 min
erməni Ermənistanı tərk edib. 2008-ci ildə ölkədə yoxsulluq
səviyyəsi 27 faiz idi, 2013-cü ildə isə bu rəqəm 37 faizə çatıb.
Ölkənin xarici borcu 5 milyard dollara yüksəlib”.
Sarkisyan qeyd edib ki, ölkə həm daxili, həm də xarici siyasətini
dəyişməlidir: “Biz mitinqlərin keçirilməsinə nail olmalıyıq.
Bununla növbədənkənar seçkilərin keçirilməsinə və yeni hakimiyyətin
formalaşmasına nail ola bilərik”.
Rusiyanın “Vestik Kafkaz” saytı isə maraqlı iddia ilə çıxış
edib.
Sayt Ermənistanın AŞPA-dakı nümayəndə heyətinin 3-4 deputatının
Rusiyaya qarşı çıxmasının İrəvan üçün başağrısı olacağını
yazıb.
“Bu, səsverməyə ciddi təsir etməsə də, Kreml üçün böyük şey demək
idi. Söhbət gözlənilməz yerdən vurulan zərbədən gedir. İndi
Sarkisyan başını quma batıraraq Kremldən gizləndiyini düşünür və
sanki heç nə olmamış kimi davranır. Lakin bu kiçik etiraz cəhdi
Moskvada yaddaşa yazıldı. Rusiyanın bundan sonra özünü necə
aparacağını demək çətindir. Çünki o, öz müttəfiqi Ermənistanından
ciddi dəstək gözləyirdi və AŞPA sessiyasında Rusiya nümayəndə
heyəti erməni deputatlara tərəf baxmırdı. Lakin hər şey onların
gözlədiyi kimi baş vermədi”.
Sayt Kremlin Ermənistana qarşı revanş edəcəyini istisna etmir: “Sarkisyanın özü də bunu yaxşı bilir. İndi Serj Kremlə hər dəfə 32 dişini göstərsə belə heç nə əvvəlki kimi olmaya bilər”.
Rusiyalı politoloq İqor Morozov hesab edir ki, Moskva özü üçün
artıq nəticə çıxardıb: “Kim strateji əməkdaşdır, kim onu yarı yolda
qoyub qaça bilər, kim daha ədalətlidir. Güman ki, bundan sonra
Moskva münasibətlərində Bakıya daha çox simpatiya göstərəcək”.
Asif Nərimanlı
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər
-
Sosial25 Aprel 23:48
Bakıda ayıq sürücü müştərinin "Land Rover”indən oğurluq etdi
-
Səhiyyə25 Aprel 23:12
Onkoloqdan XƏBƏRDARLIQ: bu xəstəliklər xərçəngə çevrilə bilər