Nida.az
Məhkəmə Dərbənd merinə bəraət verdi: Abdulatipov – Yarəliyev savaşında yenilik – ÖZƏL
Dərbənd şəhər məhkəməsi Şəhər Məclisinin sədri İmam Yarəliyev haqqında iddianı ləğv edib.
Publika.az-a Dərbənddən daxil olan məlumata görə,
şəhər məhkəməsi İmam Yarəliyev haqda Rusiya federasiyası Cinayət
Məcəlləsinin 86-cı maddəsinin ikinci bəndi (vəzifə
səlahiyyətlərindən sui-istifadə) ilə qaldırılan cinayət işinə xitam
verib.
Dərbənd şəhər prokurorluğu isə məhkəmənin qərarından apelyasiya şikayəti verib.
Qeyd edək ki, Dərbənd şəhər rəhbəri İmam Yarəliyevlə Dağıstan
rəhbəri Ramazan Abdulatipov arasında ciddi qarşıdurma yaşanır.
Dərbənd Şəhər İcra Hakimiyyətinin tikinti və arxitektura idarəsinin
müdiri əslən azərbaycanlı olan Kamil Seyidovun verdiyi ifadə
əsasında qaldırılan cinayət işinin arxasında məhz Abdulatipovun
dayandığı deyilirdi. Bütün mübarizə Dərbənd rəhbərliyi postu
uğrunda aparılır. Abdulatipov Yarəliyevdən keçmiş ədliyyə naziri
Azadin Rəhimovu vəzifəyə gətirməsini istəyir. İkinci tərəf bundan
imtina etdikdən sonra qarşıdurma güclənib.
İ. Yarəliyev fevralın 11-də Cənubi Dağıstanın icma rəhbərlərini bir
araya toplayaraq, fövqəladə toplantı keçirib. Toplantıda
Abdulatipov sərt ittiham olunub və onun haqqında Kremlə məktub
ünvanlanıb.
R. Abdulatipovun cavabının fevralın 27-də olacağı gözlənilir. Belə
ki, Dağıstan rəhbəri 2300 nəfərin iştirakı ilə respublika üzrə
toplantı keçirmək niyyətindədir. Tərəflər arasında baş verən
qarşıdurma Kremldə narahatlıqla izlənilir.
Bir müddət öncə Publika.az-a daxil olan məlumatda,
Yarəliyevin postundan getməsində Dərbənd şəhərinin hüquq-mühafizə
orqanlarının rəhbərlərinin də maraqlı olduğu deyilirdi. Görünür,
şəhərin məhkəmə sistemi Yarəliyevə, prokuror-polis sistemi isə
Dağıstan rəhbərliyinə yaxındır. Yarəliyevə bu mübarizədə Rusiya
prezidentinin Şimali Qafqaz üzrə xüsusi nümayəndəsi, ləzgi əsilli
Sergey Melikovun dəstək verdiyi haqda informasiyalar var.
Asif Nərimanlı
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi
-
Magazin11 May 20:30
"Komedixana"nın aktrisası rəqsi ilə diqqət çəkdi - VİDEO