Nida.az

MSK-ya yeni mətbuat katibi təyin olundu

25 Fevral 2014 12:30

Bu gündən Əsədli Şahin İdris oğlu Mərkəzi Seçki Komissiyası Katibliyinin Media və ictimai əlaqələr şöbəsinin müdiri vəzifəsinin icrasına başlayıb.

"Azadinform" İnformasiya Agentliyi xəbər verir ki, Əsədli Şahin İdris oğlu 1981-ci ildə anadan olub. Bakı Dövlət Universitetini Politologiya ixtisası üzrə 2002-ci ildə bakalavr, 2007-ci ildə magistratura pilləsini fərqlənmə ilə bitirib. 2003-cü ildən Mərkəzi Seçki Komissiyası Katibliyinin Beynəlxalq əlaqələr şöbəsində işləyib. Ailəlidir, 1 oğlu var.

Şahin Əsədli dəfələrlə beynəlxalq müşahidə missiyaların tərkibində müşahidəçilik edib. Seçki Sistemləri üzrə Beynəlxalq Fondun trener sertifikatını alıb. Peşəkar seçki tereneridir.

Xatırladaq ki, MSK-nın Media və ictimai əlaqələr şöbəsinin müdiri vəzifəsini Azər Sarıyev icra edirdi. A.Sarıyev fevralın 18-dən AzərTAc-ın Türkiyə və Səudiyyə Ərəbistanı üzrə müxbiri təyin olunub.