Antinurçu kampaniyasının arxasında keçmiş rəsulçu durur? - Bəyanat

“Bakı-Xəbər” qəzetinin baş redaktoru Aydın Quliyevin bəyanat verib. Publika.Az -a daxil olan bəyanatda A. Quliyev nurçuluqla bağlı məlumatların onların redaksiyasından yayımlanmadığını bildirib: “Daxili araşdırmalarımız nəticəsində tam aydınlaşdırmışıq ki, sosial şəbəkələrdə ölkədə nurçuların gizli fəaliyyətilə bağlı məlumatlar paylaşılan səhifənin əməkdaşımız Samirə xanıma və ya hər hansı digər işçimizə heç bir aidiyyəti yoxdur. Bu kimlərinsə hadisələr ətrafında şou düzəltmək cəhdindən başqa bir şey deyil. Yaxın saatlarda bununla bağlı geniş müsahibəm yayılacaq”.

Qeyd edək ki, “İrəli” İctimai Birliyinin sədri Rauf Mərdiyev "Feysbuk"dakı “Inci Azeri” qrupu ilə bağlı araşdırma apardığını və həmin səhifənin admininin “Bakı-xəbər” qəzetinin baş redaktorunun müavini Samirə Səfərova olduğu qənaətinə gəldiyini bildirib.

Bu profil vasitəsilə “Feysbuk”-da Azərbaycanda nurçuların kim olduğuna dair məlumatlar paylaşılır.

Xatırladaq ki, Aydın Quliyev əvvəllər Rəsul Quliyevin sədr olduğu ADP-də müavini, eyni zamanda ona yaxın "Hürriyyət" qəzetinin baş redaktoru olub.

Asif