Nida.az
TANAP, yoxsa “Türk axını”: Ağ Evlə Kremlin savaşı Bakı və Ankaranı narahat edir
Rusiya ilə qaz uğrunda mübarizədə Qərbin ən böyük ümidi TANAP-dır.
Publika.az xəbər verir ki, bu barədə Türkiyənin
“Dünya” nəşri yazır.
Alternativlər sırasında Azərbaycanla yanaşı İran, İraq, İsrail və
Kipr də var. Brüssel bu istiqamətdə səylə çalışır. Lakin bu,
Moskvanın heç nə etmədən sakit dayanacağı demək deyil. Sirr deyil
ki, Rusiya daha əvvəl ona alternativ olan “Nabucco”nu sıradan
çıxarmaq üçün hər şey edirdi. İndi onun TANAP-a qarşı heç nə
etməyəcəyinə heç kim zəmanət vermir.
Rusiya “Nabucco”ya qarşı “silah” kimi istifadə etdiyi “Cənub axını”
layihəsindən imtina etdi. İndi onun əlindəki “silah” “Türk
axını”dır. Bu layihə “Cənub axınından” fərqli olaraq Bolqarıstandan
deyil, Türkiyə və Yunanıstandan keçəcək.
Hazırda Rusiya TANAP-ı qabaqlamaq və 2016-cı ilə qədər kəmərləri
inşa etmək niyyətini açıqlayıb.
Rusiya hesab edir ki, “Türk axını”nı 2018-ci ildə başa çatacaq
TANAP-dan iki il əvvəl yekunlaşdırmaqla prinsipiallığını sübut
edəcək və Avropanın mövqeyini mütləq dəyişdirəcək.
ABŞ da öz növbəsində “Türk axını” ətrafında cərəyan edən prosesləri
diqqətlə izləyir. Vaşinqton avropalı müttəfiqlərinin qaz sahəsində
Rusiyadan asılılığının davam etməsini istəmir.
Bu günlərdə ABŞ öz mövqeyini bir daha diqqətə çatdırdı. Dövlət Departamentinin energetika resursları Bürosunun rəhbəri Amos Hokşteyn Afinanı “Türk axını”ndan imtina etməyə çağırdı. Amerikalı diplomat qeyd edib ki, bu layihə Yunanıstanın maliyyə problemlərini həll etməyəcək. Çünki Rusiya bundan siyasi məqsəd üçün istifadə edir.
“Afina “Türk axını”ndan imtina etsə, Yunanıstan xarici investorlar
üçün cəlbedici olacaq”, - deyə Ağ Ev diplomatı bildirib.
Amerika Yunanıstana Azərbaycan qazını Avropaya daşıyacaq TANAP-ı
dəstəkləməyi təklif edir.
“TANAP Yunanıstanın maraqlarına cavab verən layihədir. Bu layihə
daha çox iş yeri yarada bilər. “Türk axını” isə daha çox Avropanın
Rusiya qazından asılılığını artıracaq. TANAP isə Yunanıstana şəxsi
energetika layihələrini inkişaf etdirmək imkanı verəcək layihədir”,
- deyə Hoşteyn vurğulayıb.
Nəşr qeyd edir ki, Türkiyə üçün TANAP da, “Türk axını” da
sərfəlidir. Bütün hallarda Türkiyə Yunanıstanla sərhəddə qaz
ötürücü şəbəkəsini yaradacaq. Bu isə İran, İraq və Kipr qazının
burdan paylanılması deməkdir.
Lakin hazırda ABŞ və Rusiya TANAP üzərindən müharibə aparır. Bu
müharibə istər-istəməz Ankara və Bakıya da toxunur.
Asif Nərimanlı
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər
-
Sosial25 Aprel 23:48
Bakıda ayıq sürücü müştərinin "Land Rover”indən oğurluq etdi