Nida Xəbər
Jerar Kardon Milli Məclisdə
Azərbaycan Milli Məclis (MM) sədrinin müavini, parlamentin İnsan hüquqları komitəsinin sədri Bahar Muradova ölkəmizdə səfərdə olan fransalı yazıçı Jerar Kardon ilə görüşüb.
Publika.az-a MM-dən verilən məlumata görə, vitse-spiker Azərbaycanla Fransa arasında əlaqələrin yüksələn xətlə inkişaf etdiyini deyib.
Bahar Muradova Jerar Kardonun Azərbaycan qadınları haqqında kitab yazmaq məqsədi ilə ölkəmizə səfər etməsini yüksək qiymətləndirib və qeyd edib ki, müasir Azərbaycan qadınları ailə dəyərlərinə, adət və ənənələrə böyük önəm verir, onları yüksək səviyyədə qoruyub saxlayır, ictimai-siyasi həyatda fəal iştirak edirlər: “Milli Məclisdə dünyanın müxtəlif ölkələri ilə parlamentlərarası əlaqələr üzrə işçi qrupları fəaliyyət göstərir. Fransa ilə işçi qrupuna ölkənin birinci xanımı, deputat Mehriban xanım Əliyeva rəhbərlik edir. Onun iki ölkə arasında bütün istiqamətlərdə əlaqələrin möhkəmləndirilməsində göstərdiyi xidmətlər təqdirəlayiqdir".
Jerar Kardon qeyd edib ki, qadınlarla bağlı belə bir layihə onun tərəfindən artıq bir sıra ölkələrdə həyata keçirilib: “Məqsəd hər hansı bir ölkəni qadınlar vasitəsi ilə təqdim etməkdir. Azərbaycan qadınlarına həsr olunmuş əsər iki hissədən ibarət roman şəklində olacaq. Burada qadınların həyatı, ailədə, cəmiyyətdə rolu, onların hüquqlarının qorunması və digər məsələlər öz əksini tapacaq”.
Söhbət zamanı qarşılıqlı maraq doğuran məsələlər ətrafında fikir mübadiləsi aparılıb.
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov
-
Səhiyyə18 Mart 18:40
Azərbaycanda dərmanlarla bağlı YENİ QAYDA