İŞİD-dən “cəsədhaqqı”: 10-20 min dollar - VİDEO

Suriya və İraqda geniş ərazilərə nəzarət edən İŞİD terror təşkilatı yeni təbliğat videosu yayımlayıb.

Publika.az xarici mediaya istinadən xəbər verir ki, İŞİD İraqın Kərkük bölgəsində 21 peşmərgəni dəmir qəfəslərin içinə salaraq edam öncəsi onlardan “müsahibə” alıb.

İŞİD-in 9 dəqiqəlik təbliğat videosunda 21 peşmərgə öldürülməzdən əvvəl onların fikirləri soruşulur. Əlində mikrofon olan İŞİD müxbiri dəmir qəfəslərə salınan peşmərgələrə suallar verir.

Ətrafda dayanan insanlar isə peşmərgələri təhqir edir və qışqırırlar. Almaniya kəşfiyyatının məlumatına görə, İŞİD əlindəki peşmərgə cəsədləri üçün 10-20 min ABŞ dolları tələb edir.

Ömər Dağlı