• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Nazirlik vətəndaşlara müraciət etdi

Nazirlik vətəndaşlara müraciət etdi

Əmək və Əhalinin Sosial Müdafiəsi Nazirliyi sosial müavinət və təqaüd alan vətəndaşlara müraciət edib.

Nazirliyin İctimaiyyətlə əlaqələr şöbəsindən Publika.az-a daxil olan məlumatda bildirilir ki, Əmək və Əhalinin Sosial Müdafiəsi Nazirliyinin son aylarda keçirdiyi müvafiq tenderin nəticələrinə uyğun olaraq, cari ilin iyul ayının əvvəlindən etibarən respublikada bütün sosial müavinət və təqaüdlərin bankomatlar vasitəsilə ödənilməsi xidməti tenderdə qalib gəlmiş "Kapital Bank"a həvalə edilib.

Bununla əlaqədar, indiyədək sosial müavinət və təqaüdlərini Azərbaycan Beynəlxalq Bankının bankomatlarından alan vətəndaşlar üçün "Kapital Bank" tərəfindən plastik ödəniş kartları hazırlanıb.

Artıq həmin şəxslər şəxsiyyət vəsiqələrini "Kapital Bank"ın aidiyyəti rayon (şəhər) filiallarına təqdim edərək plastik ödəniş kartlarını əldə edirlər. Hazırda "Kapital Bank"ın Bakı şəhərindəki 10 filialı və 26 regional filialı gücləndirilmiş iş rejimində fəaliyyət göstərir.

Plastik kartların verilməsi prosesinin daha da sürətləndirilməsi məqsədilə "Kapital Bank"ın qeyd olunan filiallarında iş qrafiki dəyişdirilib. Həmin filiallar həftə içi 09:00-dan 20:00-dək işləməklə yanaşı, şənbə və bazar günləri də saat 09:00 – 18:00-dək vətəndaşlara plastik kartların verilməsni həyata keçirəcəklər. Ona görə də vətəndaşlar plastik kartlarını almaq üçün şənbə və bazar günləri də qeyd olunan saatlarda həmin filiallara şəxsiyyət vəsiqəsi ilə müraciət edə bilərlər.

Əmək və Əhalinin Sosial Müdafiəsi Nazirliyi tərəfindən müvafiq rayon (şəhər) Əhalinin sosial müdafiəsi mərkəzlərinə bu barədə vətəndaşların məlumatlandırılması üçün müvafiq təlimatlar verilib.

Hazırda vətəndaşlara plastik kartların verilməsi prosesinin vaxtlı-vaxtında başa çatdırılması üçün Nazirlik və "Kapital Bank" arasında birgə əlaqəli şəkildə səyləri davam etdirirlər.

Anar

Xəbər lenti

DAHA ÇOX XƏBƏR