Qırmızı.az
Zaqatalada qadın quduzluğa yoluxdu - RƏSMİ
Səhiyyə Nazirliyi Zaqatalada insanda qeydə alınan quduzluq hadisəsi ilə bağlı açıqlama verib.
Nazirliyin mətbuat xidmətinin rəhbəri Liya Bayramova APA-ya deyib ki, Zaqatalada Pəri Turacovanı aprelin 1-də it dişləyib.
Onun sözlərinə görə, it dişləməsindən sonra qadın xəstəxanaya müraciət etməyib: “Əslində hər hansı bir heyvan dişləməsi olduğu halda insanlar 0-3-5-7-14 gün ərzində quduzluğa qarşı peyvənd olunmalıdırlar. Həmin qadın isə 52 gündən sonra özünü narahat hiss etdikdə xəstəxanaya müraciət edib. Artıq onda quduzluğun əlamətləri üzə çıxıb. Müalicəsi hazırda Zaqatala Mərkəzi Rayon Xəstəxanasında davam etdirilir, Mingəçevir və Bakıdan da həkimlər konsilium göndərilib”.
Səhiyyə Nazirliyi Respublika Taun Əleyhinə Stansiyanın Xüsusi təhlükəli yoluxucu xəstəliklərin epidemiologiyası şöbəsinin müdiri Rita İsmayılova APA-ya bildirib ki, həmin qadını 2 ay əvvəl sağ əlinin ikinci barmağını it dişləyib: “Yara yüngül olduğundan qadın həkimə müraciət etməyib. Yara sağalıb, amma 2 aydan sonra onda quduzluğun əlamətləri baş verib. Əlamətlər sudan, işıqdan, havadan qorxma kimi hallarla başlayır. Qadın hospitallaşdırılsa da, xəstəlik 100 faiz ölümlə nəticələnir”.
R. İsmayılova əlavə edib ki, bu, 2016-cı ildə Azərbaycanda qeydə alınan ilk quduzluq faktıdır: “Ölkədə insanlar arasında quduzluq nadir hallarda, heyvan dişləməsi zamanı həkimə vaxtında müraciət edilmədiyi zaman baş verib. İnsanlar arasında sonuncu dəfə quduzluq hadisəsi 3-4 il öncə qeydə alınmışdı”.
Qeyd edək ki, mayın 22-də rayonun Faldar kənd sakini, 1969-cu il təvəllüdlü Pəri Qasım qızı Turacova quduzluq əlamətləri ilə xəstəxanaya daxil olub.
Məlum olub ki, onu xeyli vaxt əvvəl yaşadığı kənddə küçə iti dişləyib.
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq