• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Nazirdən sərt cəza: 3 rəis qovuldu, 11-i töhmət aldı - Siyahı

Nazirdən sərt cəza: 3 rəis qovuldu, 11-i töhmət aldı - Siyahı

Daxili İşlər naziri Ramil Usubovun polis idarə və şöbə rəislərinin iştirakı ilə oktyabrın 22-də keçirdiyi geniştərkibli iclasdan sonra aldığı mühüm qərarlar barədə məlumat əldə etmişik.

Əsas mövzusu ölkə ərazisində cinayətkarlığa qarşı mübarizənin aparılması, mülkiyyət əleyhinə və narkotiklərlə bağlı cinayətlərin açılması, həmçinin təqsirlərdirilən şəxslərin tutulması sahəsində görülən işlərlə bağlı olan iclasda hesabatları dinləyən və incələmələr aparan nazir Ramil Usubov bəzi polis idarə və şöbələrinin fəaliyyətindən razı qalmadığını ən sərt şəkildə ifadə edib. Daha sonra isə işinin öhdəsindən layiqincə gəlməyənlər barədə nazir əmr imzalayıb.

Nazirin müvafiq əmri ilə cinayətkarlığa qarşı mübarizədə peşəkarlıq baxımından qaneedici olmayan vəzifəli şəxslər ağır şəkildə cəzalandırlııb: onlardan bəziləri vəzifədən azad edilib, bəzilərinə isə töhmət və şiddətli töhmət verilib.

Axar.az eksklüziv olaraq vəzifədən azad edilən və töhmət alan vəzifəli polis işçilərinin siyahısını təqdim edir (Siyahı tam olmaya bilər).

Vəzifədən azad edilənlər:

1. Biləsuvar RPŞ Cinayət Axtarışı bölməsinin rəisi polis mayoru Fikrət Ağamirzə oğlu Məşdəliyev.

2. Abşeron RPŞ Cinayət Axtarışı bölməsinin rəisi polis polkovnik leytenantı Qafar Haqverdiyev.

3. Suraxanı RPİ Cinayət Axtarışı bölməsinin rəisi polis polkovnik leytenantı Ələddin Nizaməddin oğlu İsmayılov.

Töhmət alanlar:

1. Biləsuvar rayon polisinin rəisi Saleh Haley oğlu Abdullayev.

2. Abşeron RPŞ-nin əməliyyat işləri üzrə rəis müavini polkovnik leytenant Famil Kərimov.

3. Samux RPŞ əməliyyat işləri üzrə rəis müavini Babək Hüseyn oğlu Sadıqov.

4. Beyləqan rayon polis rəisinin müavini Zöhrab Kərim oğlu Məmmədov.

5. Şabran RPŞ-nin əməliyyat işləri üzrə rəis müavini Məmmədmusa Höcət oğlu Hüseynov.

6. Qazax rayon polis rəisinin Firuz Əlixan oğlu Babayev.

7. Lerik rayon polis rəisinin əməliyyat işləri üzrə müavini Şahin Kamil oğlu Ağayev.

8. Qaradağ Rayon Polis Şöbəsinin müavini polkovnik Elxan Şulan oğlu Rüstəmov.

9. Qaradağ RPŞ Cinayət Axtarışı bölməsinin rəisi polkovnik leytenant Kəmaləddin Baba oğlu.

10. Nizami rayon polis rəisinin müavini polkovnik leytenant İzzət Hüseyn oğlu Əsgərov.

11. Binəqədi Rayon Polis İdarəsinin Narkotiklərlə mübarizə idarəsinin rəisi polis mayoru Mahir Mikayıl oğlu Əkbərov.

Qeyd edək ki, bu siyahı Daxili İşlər naziri Ramil Usubovun cinayətkarlığa qarşı mübarizənin gücləndirilməsi üçün sərt tədbirlərə əl atdığının göstəricisidir.

Xəbər lenti

DAHA ÇOX XƏBƏR