Tabloid.az
Mətbəxdəki Meril Strip - MÜSAHİBƏ
Üç “Oskar” sahibi, amerikalı kino və teatr aktrisası Meri Luiz Strip 22 iyun 1949-cu ildə Nyu-Cersi ştatında dünyaya gəlib. Hollivudun əsas primalarından biri hesab olunan Meril Strip aktrisalıq karyerasına 70-ci illərdə Maykl Çiminonun 5 oskarlı “Maral ovçusu” filmi ilə başlayıb. Strip həm “Şeytan Prada geyinir” filmindəki kimi komik rolların, həm də “Afrikadan” filmi kimi birinci dərəcəli dramların öhdəsindən ustalıqla gəlir. O, “Oskar”a namizəd göstərilənlər arasında da rekord sahibidi. Düz 17 dəfə Amerika Kino akademiyasının əsas mükafatı olan Oskara namizəd göstərilib və bunlardan 3-ündə qalib gəlib. Aktrisa birinci Oskarını “Kramer Kramerə qarşı” (rejissor: Robert Benton), ikincisini “Sofinin seçimi” (rejissor: Alan J. Pakula), üçüncü və son Oskarını isə bu il “Dəmir Ledi” (rejissor: Fillida Lloyd) filminə görə qazanıb.
Amerikalıların xüsusi sevgi bəslədiyi Meril Stripin musahibəsini
sizə təqdim edirik.
- Deyirlər ki, evində televizor olan hər amerikalı Culiya Çayldı
tanıyır. Bəs siz onun şoularına baxmısınız?
- Mən Nyu Cersidə böyümüşəm. Hər dəfə məktəbdən evə qayıdanda anamı
Culiya Çayldın şousuna baxan görürdüm. O, nəinki yemək bişirməyi
sevmirdi, hətta kartof püresini də satın alırdı. On yaşım vardı.
Qonşu qızın yanına getmişdim. O, anasına kartof soymağa kömək
eləyirdi. Heç vaxt çiy kartof görməmişdim. Onlardan neylədiklərini
soruşdum. Qızın anası “Kartof püresi bişirməyə hazırlaşırıq” deyə
cavab verdi. Mən yenə soruşdum: “məgər kartof püresi qutudan çıxmır
ki?!” Anamın bəzi qanunları vardı – nahara hazırlıq 20 dəqiqədən
artıq çəkməməli idi. O, çox şeylə maraqlanırdı, yemək bişirməkdən
başqa. “Culi və Culiya” filmində mən bilərək Culiya Çayldı
ideallaşdırmışam. Bir də öz anamın ideal obrazını yaratmağa
çalışmışam: Anam həyatı çox sevən və ondan necə ləzzət alacağını
bilən qadın idi və bu cəhətdən Culia Çaylda çox bənzəyirdi. Məndə
atamdan çox şey var, ancaq bütün ömrüm boyu anama bənzəmək
istəmişəm. Culiya Çayld rolu – mənim anama olan ehtiramımın
ifadəsidir.
- Nə vaxtsa öz qəhrəmanınızla görüşmüsünüz?
- İyirmi il əvvəl “Mothers and others” adlanan bir qrupu
dəstəkləyirdim. Bu qrup təbii ərzaqların supermarketlərə
çatdırılması ilə məşğul idi. O vaxt mən həmişə dondurulmuş və
konservləşdirilmiş qidaya qarşı çıxan Culiya Çayldla əlaqə
saxlamağa çalışdım. O, öz tərsliyini açıq-aydın nümayiş etdirərək
bizə qarşı çıxdı və bizi kobud şəkildə tənqid də elədi. Hərçənd
söhbətin nədən getdiyini yaxşı bilmirdi. Yadımdadı ki, onda çox pis
olmuşdum.
- Yəqin ki, bu rola hazırlaşmaq üçün çox vaxt sərf
eləməmisiniz.
-Mənim Culiya Çaylsın şəxsi həyatından o qədər də xəbərim yox idi.
Hətta onun kitabı əsasında heç vaxt yemək bişirməmişdim. Lakin
çəkilməyə başlayandan sonra onu kəşf etdim və anladım ki, o, özünə
görə bir dahi imiş.
- Bir aşpaz kimi siz Culia Çaylda, yoxsa ananıza daha
yaxınsınız?
-Əvvəllər ikisinin arasında bir yerdəydim. Lakin “Culi və Culiya”
filmindən sonra Culiyaya yaxınlaşdım. Studiyada istədiyim qədər
təcrübələr toplamağa kömək eləyən əsl mətbəx yaradılmışdı. Amma
yaxşı yemək bişirmək üçün daim təcrübə lazımdır və düzünü desəm,
mən özümü çəkiliş meydanında daha inamlı hiss edirəm. Bilirsiniz,
son otuz ildə dəfələrlə toyuq qızartmışam, amma çəkiliş prosesində
məlum oldu ki, çox şeyi səhv edirmişəm. Culiyanın resepti isə çox
sadədi. Ona əməl eləyəndən sonra siz yaxşı ilə mükəmməl arasındakı
fərqi hiss edirsiniz. Düzdü, mən o toyuğu hazırlayanda “Bəs
Culiyanın mənim kimi dörd uşağı olsaydı, yenə də bu cür
hazırlayardı, yoxsa yox?” deyə fikirləşməkdən özümü saxlaya
bilmədim.
- Yəqin ki, “Culi və Culiya” filmindən əvvəl də fransız mətbəxi ilə
də tanış idiniz..
- Əlbəttə, xüsusilə də söhbət restoranlardan gedəndə. Bu və ya
digər yeməyi necə hazırlamaqsa mənim üçün elə indi də sirr olaraq
qalır. Filmdə gördüyünüz bütün yeməkləri kulinar məsləhətçi Syuzan
Spancen və baş aşpaz Kolin Flinn hazırlayıblar. Hər gün çəkiliş
vaxtı meydançaya çəkilişdə istifadə olunacaq yeməklərin gözəl ətri
yayılırdı. Spancen və Flinnin meydançada şəxsi mətbəxləri vardı -
buterbroddan tutmuş ördəyə qədər bütün şedevrlərini orda
hazırlayırdılar.
- “Culi və Culiya”nın çəkilişlərində ən çox hansı səhnədə çətinlik
çəkmisiniz?
-Ən çətini omleti “Cordon Bleu” kursunun tələbələri ilə eyni vaxtda
çevirməli olduğum səhnənin çəkilişləri idi. Spancen və Flinn omleti
çevirmək qaydasını mənə çəkilişdən bir neçə dəqiqə əvvəl
öyrətmişdilər.
- Yemək bişirəndə ən çox nəyə diqqət yetirmək lazımdı?
- Ən vacib məsələ bıçaqların çox iti olmağıdı. Culiya:
“Bıçaqlarınızı həmişə səylə yuyun, qurulayın və itiləyin. Iti
bıçaqlar möcüzələr yaradır!” – deməyi sevirdi.
- Həyat yoldaşınız da yemək hazırlaya bilir?
- Uşaqlar kiçik olan bunsuz keçinmək mümkün deyildi.
- Bəs sizin yeməklərinizi bəyənir?
- O, mənim bişirdiyim hər şeyi yeyir və tərifləyir – çox diqqətli
insandı. Hətta nəsə alınmayanda özünü elə aparır, sanki bu onun
həyatında yediyi ən ləzzətli yeməkdir. Düzü, yemək istədiyim kimi
alınmayanda üzr istəmirəm, çünki bu yeməkdən qalan təəssüratı
pozur. Əgər heç kim yeməyin pis olduğunu hiss eləmirsə, onda susmaq
ən yaxşısıdır. Bunu Culiyadan öyrənmişəm.
- Deyirlər ki, Sizin ideal evliliyiniz var...
- Bütün evliliklər kimi mənim evliliyim də idealdan uzaqdı və heç
bir sirri də yoxdu - yaxşı yemək bişirmək bacarığımı nəzərə
almasaq... Mən, demək olar ki, hər axşam yemək bişirirəm. Yalnız
evdən çıxdığımız günləri saymasaq.. Bu isə tez-tez olur. Bir az
seyrək olmasını istərdim.
- Siz, karyera pillələrini çox sürətlə qalxdınız, amma yəqin,
zamanla daha böyük uğur qazanacağınızı heç kim gözləmirdi.
- Son beş ildə mənim seçmək imkanım əvvəlkindən daha çoxdur. Niyə
belə olduğunu bilmirəm, amma məncə, səbəb artıq studiyalarda qərar
qəbul edən icraçı direktorların qadın olmasıdı. Sirr deyil ki, hər
şey pul olan yerdən başlayır. Deməli, bu mənim əməyim deyil.
- Müsahibələrinizin birində demişdiniz ki, aktyorluq sənətinə sadiq
qalmaq asan deyil.
- Mən dram məktəbində oxuyanda Conatan Şellin “Yerin taleyi”
kitabına vurulmuşdum və ətraf mühitin qorunması məsələsi ilə ciddi
səkildə maraqlanmağa başlamışdım. Mənə elə gəlirdi ki, bu ən çox
diqqət tələb eləyən problemdi. Amma zamanla anladım ki, bizim hər
hansı faydalı fəaliyyət sahələri, yaxud ləzzətli yeməklər qədər
incəsənətə də ehtiyacımız var. Bu, bizə ilham üçün, yaşamağa davam
edə bilməyimiz üçün lazımdır.
- Kişilərin mətbəxdə qadınlardan daha cəlbedici göründüyü fikrilə
razısınız?
- Baxır kim üçün: qadınlara görə - ola bilər, ancaq kişi üçün
mətbəxdəki qadın qədər cəlbedici heç nə yoxdur. (gülür)
Kinopoisk.ru
Tərcümə etdi: Sahilə Aslanova
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"