• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

70-ci illərin düyməli ətəkləri yenidən dəbə mindi - FOTOLAR

70-ci illərin düyməli ətəkləri yenidən dəbə mindi - FOTOLAR

Bu il moda dizaynerləri kolleksiyalarını 70-ci illərdən ilham alaraq hazırlayıb. Bunun nəticəsidir ki, həm podiumlarda, həm də ulduzların əynində retro geyimləri tez-tez görürük. 70-ci illərdə dəbin zirvəsində olan bir çox geyim yenidən qarderoblarımızda yer almağa hazırlaşır. Onlardan biri də düyməli ətəklərdir. Öndən düymələnən bu ətəklərin xüsusilə midi və maksi boyda olanları hər bir zövqlü qadının seçimi olacaq.

2015-ci ilin yaz və yay kolleksiyalarında yer alan düyməli ətəklər 70-ci illərdə qadınların ürəyini fəth edən ətəklərdən fərqlənmir. Görünür, modelyerlər bu sahədə ənənəyə sadiq qalıblar. Çünki düyməli ətəklər bu il də keçmişdə olduğu kimi cins və naxışlı parçalardan hazırlanıb. Xüsusilə küçə stilində xanımların vazkeçilməzləri arasında olacağı planlaşdırılan düyməli ətəklərin 2-3 il dəbin zirvəsindən enməyəcəyi təxmin edilir. Ona görə də Publika.az-ın təqdim etdiyi ətək modellərinə nəzər salın və vaxt itirmədən zövqünüzə uyğun düyməli ətəyi qarderobunuza daxil edin. Əks halda ilin trendləriylə ayaqlaşa bilməzsiniz.

Ləman Sultan

Xəbər lenti

DAHA ÇOX XƏBƏR