• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Arıqlamaq üçün menyunuzu yağsızlaşdırın

Arıqlamaq üçün menyunuzu yağsızlaşdırın

Kişilərin gündəlik enerji ehtiyacı 2200-2500, qadınların isə 1800-2000 kaloridir. Bundan artıq qəbul edilən qida nəticə etibarı ilə kökəlməyə səbəb olur. Ancaq dietoloqlar deyirlər ki, kökəlməmək üçün ən yaxşı çıxış yolu əlbəttə ki, ac qalmaq deyil. Ağır pəhriz saxlamaq əvəzinə qidalanma rejiminizi dəyişin. Nə yediyinizə diqqət yetirib artıq çəkiyə “stop” deyin! Sadəcə hər gün 100 kalori azaltmaqla bir ildə 5 kq arıqlamaq olar.Aşağıda təqdim etdiyimiz reseptlərdən istifadə edərək istəyinizə daha asanlıqla nail ola bilərsiniz.

Yumurtanı yağda qızartmaq yerinə bir az çiy bişirərək onun kalorisini azalda bilərsiniz. Belə ki, kərə yağında bişən yumurtanın tərkibində 127-140, 1 ədəd suda bişmiş yumuratada isə 77 kalori var. Yumurta ana südündən sonra ən yaxşı zülal mənbəyidir və o həmçinin dəmirlə zəngindir. Bu vitaminlərdən faydalanmaq üçün yumurtanı suda, bir az da çiy bişirin.

Tam yağlı süd və süd məhsullarını şorla və ya yağsız pendirlə əvəzləyin. Təkcə bununla 1 ildə 9 kq arıqlamaq mümkündür. Şordan, yağsız pendirdən hər gün ondan rahatlıqla istifadə edə bilərsiniz. Kalsiumla zəngin olan bu məhsulların duzunun az olmasına da diqqət yetirin.

100 qram dərili toyuq ətində 215 kalori, 100 qram dərisiz toyuq əti isə 114 kalori var. Toyuq ətinə limon şirəsi və ya zeytun yağı əlavə edərək dadlandıra bilərsiniz. Toyuğu sobada, qaynamış formada bişirmək daha faydalıdır.

Ağ pendirli omlet 99 kaloridir. Omlet hazırlayanda holland pendirinin əvəzinə ağ pendir əlavə edin. Beləliklə, 256 kalori yerinə 99 kalori qəbul edəcəksiniz. Artıq çəki ilə mübarizə aparırsınızsa bu tövsiyələri unutmayın.

Pendirli qoğal yerinə buterburod yeyin.Səhər yeməyində yağlı qoğallar və şirniyyatlar əvəzinə kəpəkli smit, ya da yağsız buterburod yeyin. Çünki bir ədəd pendirli qoğalda 320-400, bir ədəd kəpəkli smitdə 280, yağsız buterburodda isə 200 kalori var. Az yağlı pendir, yumurta, zeytun, süd, pomidor və xiyardan alınan kalori pendirli qoğalda olan kaloridən daha azdır. Pendir və yumurta yesəniz, günə daha enerjili başlayarsınız, həm metabolizmanızı gücləndirərsiniz. Ən əsası orqanizm lazımlı vitamin və minerallarla təmin zənginləşər

620 kalori yerinə 480 kalori alın. Pide arası dönər 480, hamburger 620 kalori edir. Dönərin arasına qoyulan kartof qızartmasını, turşunu və sousları çıxardıb yerinə çoxlu göy-göyərti əlavə edin. Inanın ki, bununla daha az çəki atacaq və ləzzətindən doymayacaqsınız. Dönərin yanında bir stəkan ayran içsəniz, uzun müddət tox qalacaqsınız.

Meyvə qurularına, çərəzlərə diqqət edin. 100 qram fıstığın tərkibində 590, badamda 598, Brazilya fıstığında isə 654 kalori var. Bir gün ərzində 1 armudu stəkandan çox çərəz yemək olmaz.

Qəhvənizi quru süd yerinə, yağsız südlə hazırlayın. Aradakı fərq 100 kaloridir.

Müxtəlif salatlar yeyib amma arıqlamırsınızsa, oraya əlavə etdiyiniz souslara diqqət edin. Salatın limonunu və göyərtisini bol edin. Salatdan pendirini çıxarsanız, 110-130 kalori daha az qəbul edərsiniz.

Bir boşqab makaron yeyəndən sonra yəqin ki, vicdan əzabı çəkirsiniz. Makaronu qiymə və yağlı souslarla deyil, tərəvəzli və az yağlı sousla yeyibn. Sousların nəfsinizi zəbt etməsinə icazə verməyin, tərəvəzli makaronun çox ləzzətli olduğuna şübhə etməyin.

Xörəkləri çəngəllə yesəniz, daha az kalori alarsınız. Yeməyin üzərində ekstra yağları azaltmış olarsınız.

Yağlı balıqlar omeqa 3-lə zəngin olduğu üçün ürəyin ən yaxşı dostu hesab edilirlər. Amma kalori baxımdan hamısı eyni deyil. 100 qram lüferdə 117, 100 qram sudakda balığında 93, palamut 168 kalori, tuna balığı konservisində 198 kalori var. Balığı qızartsanız kalorisi artacaq.

Yağlı dana ətində 225, az yağlı dana ətində isə 156, yağlı qoyun ətində 312, keçi ətində 146 kalori var. Yağsız ət yeyərək çəkinizi azalda bilərsiniz. Qırmızı ətin yanından limonu, göyərtini və tərəvəzi əskik etməyin. Limon C vitamini olduğu üçün bədəndə olan zərərli maddələri uzaqlaşdırır.

Kotleti yağsız qiymədən hazırlayın. Onu yağda qızartmayıb sobada bişirsəniz, tərkibinə əlavə edilən kartofu salatla əvəzləsəniz 650-700 kalori yerinə, 380 kalori qəbul edərsiniz.

Kartof qızartmasını menyudan çıxarın. Onu suda bişirib üzərinə göyərti əlavə edin. Göyərtilər həm tox qalmağa kömək edəcək, həm də orqanizminizi vitamin və minerallarla zənginləşdirəcək. Yox, kartof qızartması yeməkdən vaz keçə bilmirsinizsə, bol limonlu salatı kartof qızartmasından əvvəl yeyin. Bununla qızartmanın verdiyi zərəri minimuma endirəcəksiniz.

Hazır meyvə suları yerinə təzə meyvə yeyin. 100 qram almada 50 kalori olduğu halda, 1 stəkan alma suyu təxminən 100-120 kaloridir. Almanın özünü yemək, suyundan daha faydalıdır. Çünki qan şəkəri çox sürətlə qalxıb düşməyəcək. Alma diliminin üzərinə bir az darçın əlavə edib daha ləzzətli və doyumlu edə bilərsiniz. Meyvə suyu ehtiyacınızı limonlu, nanəli və az şəkərli sərinləşdirici içkilərlə əvəz edin.

Şirniyyat yox, südlü deserti seçin. 100 qram südlü desertdə 140-200, 100 qram xəmirdən hazırlanmış şirniyyatda isə 210-350 kalori var. Aradakı fərqi göz qabagındadır. Südlü desertlərin də meyvəli növlərini seçməlisiniz. Məsələn, qaymaqlı dondurma 220, 100 qram meyvəli dondurma isə 160 kaloridir. Şirniyyatları meyvədən hazırlanan desertlə də əvəz edə bilərsiniz. Məsələn, bir ədəd orta boy armudu sobada azca bişirib üzərinə darçın əlavə edin. Bu desert cəmi 50 kalori edir.

Pizzanın kalorisini aşağı salmaq üçün vegeterian növünü seçin. Yanında yaşıl salat və ayran içməyi unutmayın.

1 qram alkoqollu içkidə 7 kalori var. 1 qram yağda isə 9 kalori var. Yağdan sonra ən çox enerji verən alkoqoldur. 1 qədəh rakı 3 qədəh şərab kalorisindədir. Hansı içkini və nə qədər içdiyinizə fikir verin.Spirtli içkini yağlı qidalarla yox, tərəvəz və göyərti ilə için. 1 qədəh şərabda 120, 1 qədəh şampanda 80-100, 1 qədəh konyakda 50-70, 1 qədəh araqda 65-85, pivədə 142, 1 qədəh rakıda 250-270, 80 ml viskidə 220, 80 ml romda 200 kalori var.

Qiyməli pide, yoxsa pendirli börək? Ürəyiniz börək istəyib? Qızarmış , yağsız yoxsa sobada bişmiş? Qızarmış börək yerinə, sobada yağsız bişmiş börəyi seçin. Börəyi yağla və pendirlə yox, şorla və ya tərəvəzlə hazırlayın.

Limonlu sous, xardaldan yaxşıdır . Yeməklərin ləzzətini artırmaq üçün yeməklərə, salatlara limon əlavə edin. Souslar iştaha açan olduğu üçün az yeyin. 2 yemək qaşığı narşərabda -52, 2 yemək qaşığı zeytun yağlı sousda -180, 2 yemək qaşığı xardalda 180, 2 yemək qaşığı soya sousunda 200, 2 yemək qaşığı mayonezdə isə 290 kalori var.

Krivetkanı qızartmayın, qaynadın! – Suda qaynadılmış krivetkada daha az kalori var.

Xəbər lenti

DAHA ÇOX XƏBƏR