Tabloid.az

Ancelina Coli atasını toyuna niyə dəvət etmədi?

30 Avqust 2014 14:51

Hollivudun məşhur cütlüyü Ancelina Coli və Bred Pittin nəhayət evləndiklərini xəbər vermişdik. Məşhur cütlüyün ailə qurması dünya gündəmini məşğul etməyə davam edir

Hollivudun məşhur cütlüyü Ancelina Coli və Bred Pittin nəhayət evləndiklərini xəbər vermişdik.

Məşhur cütlüyün ailə qurması dünya gündəmini məşğul etməyə davam edir. Ancelina Colinin atası Con Voytu toyuna dəvət etmədiyi məlum olub. Aktyor qızının ailə qurduğunu mətbuatdan öyrənib.

Əslində gözəl ulduzla atasının münasibətlərində həmişə soyuqluq olub. Buna Con Voytun 8 illik evlilikdən sonra anasını və 2 uşağını tərk edərək başqa bir qadınla eşq yaşaması səbəb olub. Yaxın vaxtlarda isə onlar aralarındakı incikliyə son qoyaraq barışmışdılar. 75 yaşlı aktyorun toya dəvət olunmaması yenidən söz-söhbətə səbəb olub. Ata ilə qızın münasibətlərinin pisləşməsinə bu dəfə nəyin səbəb olduğu isə bilinmir.

Tabloid.az