Tabloid.az

Quru əncir, yoxsa təzə əncir daha faydalıdır?

8 Oktyabr 2014 12:25

Quru və təzə əncirin faydalarını saymaqla bitmir. Bəs, sizcə hansı daha faydalıdır? Quru əncir, yoxsa təzə əncir?

Qədim Misirdə, Yunanıstanda və Romada əncir qiymətli meyvə hesab olunub. Ondan mətbəxdən gözəllik məhsullarına qədər hər sahədə istifadə olunurdu. Lif baxımından əncir digər meyvələrdən daha zəngindir. Həmçinin kalsium, dəmir və kalium baxımından da bir sağlamlıq anbarıdır.

Quru əncirin lif, protein, kalsium, dəmir, maqnezium, fosfor və kalium baxımından daha zəngin olduğu bildirilir. Ancaq daha az beta-karotendən ibarətdir və kalorisi daha yüksəkdir. 2005-ci ildə aparılan tədqiqatlar quru əncirin daha faydalı olduğunu aşkarlayıb. Ancaq kökəlməyə meyillisinizsə, təzəsini yeməyiniz məsləhətdir.