Dayanmaq bilməyən hıçqırıqlara qarşı təsirli üsullar

Mütəxəssislər hıçqırığın qaz kimi geniş yayılmış həzm sistemi problemlərinə reaksiya olaraq ortaya çıxdığını deyirlər. Sinir pozucu hıçqırıqlardan xilas olmaq üçün isə, sən demə, asan üsullar mövcuddur. Tabloid.az gözlənilmədən başlayan və dayanmaq bilməyən hıçqırıqlara qarşı olduqca sadə təklifləri təqdim edir:

1971-ci ildə Doktor Edqar Engelman hıçqırığı aradan qaldıran sadə bir həll kəşf edib. O, müəyyən edib ki, 1 qaşıq şəkər tozu bu dərdin dərmanıdır. Engelman müşahidəsini hıçqırığı 6 saat davam edən 20 xəstə üzərində sınaqdan çıxarıb. 1 qaşıq şəkər tozu 20 xəstədən 19-da hıçqırığı dərhal kəsib.

Təbii həll üzərində kitab yazan Qastroentoloq Doktor Andre Dübua məsələyə belə aydınlıq gətirib: "Şəkər ağızda olan və normalda diafraqma yığılmasına əmr edən sinir impulslarına müdaxilə edir. Bu müdaxilə nəticəsində də hıçqırıq dayanır".

Əllərinizlə, qulaqlarınızı (nəzakətli bir şəkildə) tıxayın. Bu, eşitmə sisteminə də çatan vagus sinirinin qollarını xəbərdar etməyə yarayır və hıçqırıq keçir.

Xüsusilə maqnezium ehtiva edən qidalar sinirləri sakitləşdirərək hıçqırığın keçməsinə yardım edir.

Kağız kisənin içində nəfəs alıb verin. Orqanizm kifayət qədər oksigen almadığıüçün (nəfəs tutmada olduğu kimi) hıçqırığı unudur.