• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

“YouTube”un rəhbəri dəyişəcək

“YouTube”un rəhbəri dəyişəcək

"Google"un baş vitse-prezidenti Süzan Voysiski yaxın vaxtlarda "YouTube" videohostinqinə başçılıq edəcək. Publika.Az-ın ictnews.az-a istinadən verdiyi xəbərə görə, Voysiski hazırda "Google" üçün pul mənbəyi olan reklam bölməsinin rəhbəridir, bundan başqa onun bacısı Enn Voysiski "Google"un həmtəsisçisi Serqey Brinin həyat yoldaşıdır.

"Bloomberg" agentliyinin yaydığı məlumata əsasən, rəsmi olaraq boşanmasalar da, Enn Voysiski və Serqey Brin ötən ilin sentyabrından bir yerdə yaşamırlar. Süzan Voysiski, həmçinin Serqey Brin və Larri Peycin ilk biznes tərəfdaşı olub.

"cybersecurity.ru" saytının məlumatına görə, Süzan Voysiski Salara Kamanqarı əvəz edəcək. Öz növbəsində Salara Kamanqar "Google"da başqa vəzifəni icra edəcək.
Hazırda "YouTube" portalına 1 milyarddan çox insan daxil olur və portal daha çox ödənişli məzmun və reklamların yerləşdirilməsi sayəsində kommersiyalaşır. Qeyd edək ki, 2013-cü ildə "YouTube"un gəliri 5,6 milyard dolları ötüb.

Publika.Az

Xəbər lenti

DAHA ÇOX XƏBƏR