Dünya
Krım tatarları kütləvi şəkildə işdən çıxarılır
Rusiya Federasiyası vətəndaşlığından imtina edən Krım tatarları işdən çıxarılır.
Publika.Az – ın unian.net saytına istinadən verdiyi məlumata görə, bu barədə Krım tatarlarının lideri, Ukrayna Ali Radanın üzvü Mustafa Cəmilov “Qromadski TV”nin efirində bildirib.
“Krımdakı vəziyyəti məyusluq doğurur. Addımbaşı sənədlərin yoxlanılması prosesi gedir. Krım tatarları Rusiya Federasiyasının vətəndaşı olmağı arzulamırlar. Amma faktiki olaraq buna məcbur edilirlər. Çünki, onlar Rusiya pasportlarını almayacağı halda, işə düzələ bilməyəcəklər. Rusiya pasportlarından imtina edənlərin artıq işdən qovulmasına başlanılıb. Onların mülkiyyət hüququ da şübhə altındadır”, - Cəmilov qeyd edib.
O, az sayda Krım tatarının Rusiya pasportu aldığını deyib.
Qeyd edək ki, Ukrayna və ya Rusiya vətəndaşlığını seçmək üçün krımlılara verilən müddət dünən başa çatıb.
Rusiya vətəndaşlığını seçməyənlər bu gündən başlayaraq, əcnəbi hesab olunacaq. Onların Krımda qalması üçün isə sənədlərin rəsmiləşdirilməsi lazım gələcək.
Ukrayna ədliyyə naziri Pavel Petrenko krımlılara Rusiya vətəndaşlığının verilməsinin işğal güclərinin qərarı olduğunu deyib. “Ukrayna Ali Radası Krımın işğalı ilə bağlı qanun qəbul edib. Qanuna müvafiq olaraq yarımadanın bütün sakinləri Ukrayna vətəndaşı olaraq qalır”, - P.Petrenko vurğulayıb.
Onun sözlərinə görə, Krımdan köçmək istəməyən ukraynalıların köçürülməsi deportasiya hesab olunacaq və buna görə Rusiya rəhbərliyi cavab verəcək. Ədiliyyə naziri belə bir vəziyyətlə qarşılaşan krımlıların Avropa Məhkəməsinə müraciət etmək hüququnun olduğunu bildirib.
Ömər Dağlı
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər
-
Sosial25 Aprel 23:48
Bakıda ayıq sürücü müştərinin "Land Rover”indən oğurluq etdi
-
Səhiyyə25 Aprel 23:12
Onkoloqdan XƏBƏRDARLIQ: bu xəstəliklər xərçəngə çevrilə bilər
-
Magazin125 Aprel 22:48
Müşfiq Musanın məşhur mahnısını oxudu - VİDEO