Nida.az
Şeyxin yeni nümayəndəsi: “Burda vəhhabilər şəriət hökmü çıxartmaq istəyir” - Şok faktlar
“Onları Suriyaya aparan xarici kəşfiyyatın desantlarıdır”
Qafqaz Müsəlmanları İdarəsinin Şimal bölgəsində yeni təyin etdiyi
səlahiyyətli nümayəndəsi Yaşar Rzayevin Publika.Az -a müsahibəsi.
“Qonşularımız Azərbaycanda çaxnaşamlar yaratmaq
istəyirlər”
- Yeni təyin olundunuz. Əsas hansı istiqamətlərdə
işləyəcəksiniz?
- Bu bölgədə dini durum nöqteyi-nəzərdən əvvəldən amalım hər bir
məzhəbin dinə uyğun hərəkət etməsi, dini çaxnaşmalar yaratmaması,
dövlətçiliyimizə xələl gətirənlərin qarşısının alınması olub.
Bundan sonra da belə olacaq. Hər bir dindar qardaşımız Azərbaycan
bayrağı altında birləşib dövlətçiliyimizə xidmət etməlidir. Hazırda
xarici dövlətlərin əks-kəşfiyyat idarələri müsəlmanları parçalamağa
çalışırlar, buna cəhdlər olur. Mənim məqsədim Şimal bölgəsində
bunun qarşısının alınmasıdır. Mövcud vəziyyətdə qonşularımız
Azərbaycanda çaxnaşmalar yaratmaq istəyirlər. Bunun qarşısı almaq
üçün dindarlar yanlış fikirlərə uymamalıdır.
“Onlar şəriət hökmü çıxartmaq
istəyirlər”
- Bu bölgədə əsas problemin sələfilərlə bağlı olduğuna dair
xəbərlər var. Bu məsələdə vəziyyət necədir?
- Onlara dövlət tərəfindən Qobuqqıraqlı məscidi verildi və bu
məscidə təmir işləri aparılır, yaxınlarda istifadəyə veriləcək.
Onlara şərait yaradılıb, hazırda bir sıra məsciddə ibadətlərini
edirlər. Amma məsələ bundadır ki, onlar məscidlərdə təkcə ibadət
etmirlər, çalışırlar ki, məscidləri ələ alsınlar, öz hökmlərini
yerinə yetirsiniz. Onlar şəriət hökmü çıxartmaq istəyirlər. Amma
buna icazə verilməyəcək. Azərbaycan dünyəvi dövlətdir və hər şeyi
qanunla həll olunur.
- Hansısa məsələ ilə bağlı şəriət hökmü
çıxardıblarmı?
- Onların bu istəkləri var. Amma yanlış fikirdir. Təbii ki, hər bir
vətəndaş azad formada fikrini deyə bilər, amma deməklə olmur,
reallıq başqa cürdür.
“Onları Suriyaya aparanlar da xarici kəşfiyyatın
ölkədəki desantlarıdır”
- Şimal bölgəsində əsas problem bu bölgədən Suriyaya
döyüşməyə gedənlərin çoxluq təşkil etməsidir.
- Hazırda Suriyaya gedən yoxdur. Çünki bununla bağlı qanun
sərtləşdirildi və dövlət nəzarətini artırdı. Hesab edirəm ki, hər
bir insan öz dövlətində xalqı uğrunda vuruşmalıdır. Əgər cihad
istəyirlərsə, bu ilk növbədə Qarabağda olmalıdır. Torpaqlarımızın
20 faizi işğaldadır. Cihadın hökmü var ki, birinci öz vətənin
uğrunda vuruşmalısan. Yəni ailənə təcavüz edirlərsə, o zaman cihada
qalxmalısan. Suriyaya gedənlər cihad hökmünü özlərinin əmirlərindən
alırlar. Halbuki bu cihad deyil. Onların Suriyaya getdiyini hər kəs
yaxşı bilir. Bilirik ki, onlar muzdla gedirlər. özlərinin hökmünə
görə isə orda ölənlər şəhiddirlər, şəriətdə isə belə bir şey
yoxdur.
- Bu insanları Suriyaya aparanların kimliyi maraqlıdır, hər
–halda onlara kimsə istiqamət verir.
- Təbii ki. Ora gedənlər öz başına getmirlər. Onlara arasında
əvvəlcə təbliğat aparılır. Şimal bölgəsində bunu təbliğ edənlər də,
onları Suriyaya aparanlar da xarici kəşfiyyatın ölkədəki
desantlarıdır.
- Onların konkret kimliyi bəllidirmi?
- Konkret kim olduğu bilinmir. Çünki onlar məxfi işləyirlər. Hər 10
nəfərin bir əmiri var və həmin 10 nəfər əmirləri hökm verir. Bütün
fəaliyyətləri də gizli formada qurulub.
“Kim də ora gedirdi, özlərinki kimi ibadət
etməyə məcbur edirdilər”
- Əsas mübahisəli məsələ Xaçmaz şəhər məscidinin təmirə
bağlanmasından sonra yaşandı. Bildiyim qədər orda sələfilər də
digər camaatlarla yanaşı namaz qılırdı. Siz həmin məscidin
axundusunuz, bu barədə nə deyə bilərsiniz?
- Məsciddə həm sələfilər, həm şiə, həm də sünnilər namaz qılırdı.
Onu qeyd edib ki, sələfilər firqədir, onlara məzhəb demək doğru
olmaz.
Onlar bu gələndə biz dedik ki, mömin qardaşlardır, icazə verək
əvvəl onlar namaz qılsınlar, sonra biz. Amma sonradan gördük ki,
onlar təkcə namaz qılmırlar, həm də məscidi ələ alıb qruplaşma
yaradırlar. Sünniləri də qovdular. Başladılar özləri bildikləri
kimi namaz qılmağa. Kim də ora gedirdi, özlərinki kimi ibadət
etməyə məcbur edirdilər. Gördük ki, onlar öz hökmlərini yeritmək
istəyirlər, buna qarşı çıxdıq. Ondan sonra aramızda bu mübahisəli
məsələ yarandı. Bu məsələdə şiələrlə sünnilər eyni mövqedən çıxış
edirlər. Sələfilər iddia edirlər ki, sünnilər onları qovur, amma bu
yalandır.
“Xaçmaz şəhər məscidi sünni və şiələrə
veriləcək, sələfilərə yox”
- Təmirdən sonra məscidin vəziyyəti necə
olacaq?
- Təmirdən sonra əvvəlki kimi sünni və şiə camaatı bu məscidə namaz
qılacaqlar. Sələfilərsə yox, onlara Qobuqıraqlı məscidi
verilib.
- Bölgədə zərərli dini ədəbiyyatın yayıldığı da
deyilir.
-Bizə dini ədəbiyyat ruhani idarəsi və dövlət komitəsindən gəlir.
Bu ədəbiyyatı biz paylayırıq. Hazırda vəhhabisi, sələfisi,
xəvarici, nurçusu, süleymançısının hər birinin öz ədəbiyyatı var.
Onlara bu ədəbiyyatı hansısa mənbələrdən gətirib, paylayırlar.
- Buna qarşı hansısa addımlar atılacaqmı?
- Bununla bağlı qanunlar var. Əgər kimsə dini məsələlərə xələl gətirsə, bununla ciddi məşğul olunacaq. Lazım olsa, ruhani idarəsi və komitə tərəfindən onlara qarşı tədbirlər görüləcək.
Asif Nərimanlı
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər
-
Sosial25 Aprel 23:48
Bakıda ayıq sürücü müştərinin "Land Rover”indən oğurluq etdi
-
Səhiyyə25 Aprel 23:12
Onkoloqdan XƏBƏRDARLIQ: bu xəstəliklər xərçəngə çevrilə bilər
-
Magazin125 Aprel 22:48
Müşfiq Musanın məşhur mahnısını oxudu - VİDEO
-
Magazin125 Aprel 22:00
Firuzə İbadova həmin xəbəri TƏKZİB ETDİ: "Onun ruhu şad olsun deyə..."