Harrisin "ASAN CƏDVƏLİ" - Demokratlar nədən narazıdırlar?

Bəzi demokratlar onların prezidentliyə namizədi Kamala Harrisin təşviqat tədbirlərinə kifayət qədər vaxt ayırmamasından narahatdırlar.

Publika.az xəbər verir ki, bu barədə "Politico" mənbələrə istinadla məlumat yayıb.

Onlar Harrisin cədvəlini "asan" adlandırıblar və qeyd ediblər ki, o, prezidentliyə Respublikaçı rəqibi Donald Trampdan daha az prezident kampaniyası tədbirləri keçirir. Bundan əlavə, ABŞ vitse-prezidenti seçicilər və jurnalistlərlə kortəbii ünsiyyətdən demək olar ki, tamamilə yayınır.

Qəzet 20 demokrata istinad edərək qeyd edib ki, seçkiyə bir ay qalmış hazırkı yanaşma Harrisə zərər verə bilər, o zaman o, qərarsız namizədləri cəlb etmək üzərində işləyəcək.

Materialda vitse-prezidentin taktikası 2016-cı ildə Viskonsin ştatında seçkiqabağı kampaniyadan qaçan Hillari Klintonun taktikası ilə müqayisə edilir.

"Biz bilirik ki, həqiqətən 2016-cı il deyil və bu, onun (Harrisin) Viskonsinə getməyəcəyi demək deyil. Amma biz hələ də ondan öyrənə bilərik. Tramp yenə hər yerdə, elə o vaxtkı kimi. Biz də olmalıyıq", - ABŞ prezidenti Co Baydenin keçmiş əməkdaşı bildirib.

Hüseyn İbadlı