Oqlesdən İLK "QIĞILCIM" - Tramp 4-cü dəfə PREZİDENT OLACAQ?

ABŞ prezidenti Donald Tramp 3-cü müddətə prezident olmaq ehtimalı barədə istehza ilə danışıb.

Publika.az xəbər verir ki, bu barədə CNN məlumat yayıb.

O, üçüncü müddətə yenidən seçilmə ehtimalını “saxta başlıqlar” adlandırıb.

“Bir yox, iki dəfə, üç və ya dörd dəfə xidmət etmək həyatımın ən böyük şərəfi olacaq. Başlıqlar, saxta xəbər başlıqlarıdır, - Ttramp deyib.

Bundan əvvəl Amerika Birləşmiş Ştatlarının Nümayəndələr Palatasının üzvü Endi Oqles (R-Tennessee) ABŞ Konstitusiyasına Trampın üçüncü müddətə Ağ Evdə qalmasına imkan verən düzəliş təklif etmişdi. Bu, indi qanunla qadağandır. Oqles hesab edir ki, belə bir addımı atmaqla Birləşmiş Ştatlar “millətimizin çox ehtiyac duyduğu cəsarətli liderliyi qoruyub saxlaya bilər”.

Xatırladaq ki, ABŞ-da prezident seçkiləri 2024-cü il noyabrın 5-də keçirilib. Bu vəzifə üçün Demokratlar Partiyasının namizədi Kamala Harris və Respublikaçılar Partiyasının nümayəndəsi Donald Tramp mübarizə aparıb. Qələbə qazanmaq üçün siyasətçilərdən biri ən azı 270 seçici səsini toplamalı idi. Səsvermənin nəticələrinə görə, Tramp 312, Harris isə 226 səs toplayıb. ABŞ-ın 47-ci prezidentinin andiçmə mərasimi yanvarın 20-də baş tutub. Trampın ilk səlahiyyət müddəti 2017-ci ildən 2021-ci ilə qədər davam edib.

Hüseyn İbadlı