Avropa

Arvadının paylaşdığı foto narkobaronun BAŞINA BƏLA OLDU

27 Yanvar 2025 04:14

Narkobaron Luis Manuel Picado Grijalba sosial şəbəkələrdə həyat yoldaşının paylaşdığı fotoşəkillər vasitəsi ilə izlənilərək London hava limanında saxlanılıb.

Publika.az xəbər verir ki, bu barədə “La Prensa” qəzeti məlumat yayıb.

Nəşrin məlumatına görə, narkobaron bir neçə ay idi ki, ABŞ Narkotiklərlə Mübarizə İdarəsi (DEA) tərəfindən axtarışda idi. O, Kosta-Rikanın Limon şəhərindən ABŞ-a kokain daşımaqda şübhəli bilinirdi.

Qeyd edilib ki, Qrijalba həyat yoldaşı ilə nadir hallarda səyahət edirdi. Ancaq o, ona və uşaqlara Avropaya təyyarə bileti almağa qərar verib. Narkobaron həyat yoldaşı ilə gizləndiyi Parisdə tanış olub.

Səyahətdən qayıtdıqdan sonra təqsirləndirilən şəxsin həyat yoldaşı "Instagram" sosial şəbəkəsində bir neçə paylaşım edib. Onlardan birində cütlük Eyfel qülləsinin altında pozalar verib. Qadının hesabını DEA agentləri izləyib və onlar dərc olunmuş fotolardan Qrijalbanın yerini müəyyənləşdiriblər.

Hüseyn İbadlı