“Heç kim onu seçmədi”: ABŞ Maska qarşı etirazla ÇALXALANIR

Dünən axşam yüzlərlə insan İlon Maskın milyonlarla ABŞ sakininin məxfi məlumatlarını ehtiva edən maliyyə sistemlərinə müdaxiləsinə etiraz etmək üçün toplaşıb.

Publika.az xəbər verir ki, bu barədə Amerikanın CNN telekanalı məlumat yayıb.

“Heç kim İlonu seçmədi” adlı mitinqin ABŞ Maliyyə Nazirliyinin binası qarşısında keçirildiyi vurğulanır.

Bildirilir ki, tədbir İşçi Ailələr Partiyası, "MoveOn" və "Indivisible" kimi bir neçə sol təşkilat tərəfindən təşkil olunub.

Kanalın qeyd etdiyi kimi, bir anda etirazçılar “Maskın deportasiyasını” təklif ediblər. Digər şeylər arasında onlar Donald Trampı fəhlə sinfini dəstəkləmək üçün namizəd olmaqda, əslində isə korporasiyaları və milyarderləri daha da zənginləşdirmək üçün gücdən istifadə etməkdə ittiham ediblər.

“Onlar uşaq ölümünün, yoxsulluğun və bərabərsizliyin immiqrantlar və ya digər arzuolunmaz səbəblərdən qaynaqlandığına inanmağımızı istəyirlər. Yalan danışırlar", - mitinqə toplaşanlar deyib.

“Bütün bunlar İlon Mask kimi korrupsioner milyarderlər üzündən baş verir", - bunu isə Konqresmen Maksvell Frost deyib.

Adəm Abbaslı