Milli təhlükəsizlik üçün "Starlink" təhlükəsi - Maskın "QARA ƏMƏLLƏRİ" ÜZƏ ÇIXDI

Əvvəllər ABŞ Hökumətin Səmərəliliyi Departamentinə (DOGE) rəhbərlik etmiş amerikalı milyarder İlon Maskın komandası rabitə mütəxəssislərinin əvvəlcədən razılığı olmadan Ağ Ev kompleksində "Starlink" peyk rabitəsini quraşdırıb.

Publika.az xəbər verir ki, bu barədə "Washington Post" məlumat yayıb.

Fevral ayında Ağ Ev əməkdaşlarının telefonlarında “Starlink Qonaq” WiFi şəbəkəsi peyda olub, istifadəçilərdən istifadəçi adı və ya ikinci autentifikasiya forması deyil, yalnız parol tələb edib. Həmin WiFi şəbəkəsi bu həftə Ağ Evə gələnlərin telefonlarında hələ də görünüb.

Hökumətin "Starlink"ə güvənməsi yeni deyil. Əksinə, ABŞ hərbi və milli təhlükəsizli Maskın işindən çox asılıdır. Lakin "Washington Post" hesabatı bir daha DOGE və Maskın, ən azı bu həftə prezidentə gözlənilməz zərbəsindən əvvəl Tramp administrasiyası daxilində istifadə edə bildikləri heyrətamiz səlahiyyəti nümayiş etdirir. Bu son açıqlama Tramp administrasiyasından gələn ən son milli təhlükəsizlik "qırmızı bayrağ"ıdır.

Eyni zamanda ABŞ Məxfi Xidməti yeniliklərdən xəbərdar olduqlarını və "Starlink"in quraşdırılmasını təhlükəsizlik qaydalarının pozulması hesab etmədiklərini bildirib.

Qeyd edək ki, Mask ABŞ Hökumətinin Səmərəliliyi Departamentinin (DOGE) rəhbəri vəzifəsindən istefa verib, bundan sonra ABŞ Prezidenti Donald Trampın vergilərlə bağlı qərarını tənqid edib. Sahibkarın fikrincə, vergi güzəştlərini nəzərdə tutan qanun layihəsi ABŞ-ın büdcə kəsirinin artmasına səbəb olacaq. Tramp isə buna büdcəyə qənaət etmək üçün Maskın layihələrinə subsidiyaların və müqavilələrin verilməsini dayandırmağı təklif edərək cavab verib.

Hüseyn İbadlı