Onun iynəsinin biri 250 min dollaradır

Onurğa əməliyyatı keçirən məşhur MMA döyüşçüsü Aleksandr Yemelyanenko sağlamlıq problemlərini həll etmək üçün əhəmiyyətli maliyyə vəsaitinə ehtiyacı olduğunu söyləyib.

Publika.az xəbər verir ki, Yemelyanenko bu barədə “The KastaPodcast” verilişində deyib.

“Roman Rotenberq mənə həkim məsləhəti verdi. O, hər şeyi çox diqqətlə araşdırdı və dedi ki, məndə spazmlar yox, onurğa sınığı var. Bu sınıq onurğa sinirinin bir az yerdəyişməsinə səbəb olub.

Həkim mənə iynələr təyin etdi. Onlar inanılmaz dərəcədə bahadır. Beş iynə 250.000 dollara başa gəlir. Bir sözlə, kurs 1 milyon dollardır. Onları Koreyadan sifariş etməlisiniz. İndi belimi necə sağaldıb özümü formaya salmaq barədə düşünürəm. Bu iynələr yeganə seçimdir. Onlar kök hüceyrələrə əsaslanır.

Səhər yuxudan oyanıram və qoltuqağacı olmadan tualetə və mətbəxə gedə bilirəm, amma uzun məsafələrə getməkdə çətinlik çəkirəm. Dayanmaq üçün bir şeyə ehtiyacım var. Ona görə də qoltuqağacı ilə gəzirəm”, – Yemelyanenko deyib.