Ukrayna, yoxsa Yaxın Şərq? - Amerikalılar seçim edir

Amerikalılar Yaxın Şərqdəki vəziyyəti ABŞ üçün Ukrayna böhranından daha vacib hesab edirlər.

Publika.az xəbər verir ki, bu barədə "Fox News"un keçirdiyi sorğuya əsasən hazırlanan məlumatda qeyd olunub.

ABŞ vətəndaşları münaqişələr arasında seçim ediblər. Sorğunun nəticələrinə görə, respondentlərin 72 faizi Ukraynada baş verən hadisələrin ABŞ-ın həyatı üçün böyük əhəmiyyət kəsb etdiyini bildirib, daha çox respondent - 81 faizi isə Yaxın Şərqdəki vəziyyətlə bağlı eyni şeyi deyir.

Sorğuda iştirak edən seçicilərin 56 faizi Ukraynaya yardım göndərilməsini dəstəkləyib. Bildirilib ki, son üç ildə bu göstərici 54-63 faiz səviyyəsində sabit qalıb.

Amerikalıların əksəriyyəti Ukrayna və İsrailə maliyyə yardımı göndərilməsini dəstəkləyir, lakin sorğuda iştirak edənlərin partiya mənsubiyyəti ölkələrə fərqli dəstək göstərir.

Demokratların 70, respublikaçıların isə 46 faizi Kiyevin maliyyələşdirilməsini dəstəkləyir. Bununla yanaşı, respublikaçıların 71, demokratların isə 43 faizi İsrailə yardım göndərilməsinin tərəfdarıdır.

Adəm