Tramp Suriya Prezidenti ilə razılığa gəldiyini elan etdi - Yeniləndi

ABŞ Prezidenti Donald Tramp Suriya Prezidenti Əhməd Əl Şaraa ilə razılığa gəldiyini açıqlayıb.

Publika.az xəbər verir ki, Ağ Ev rəhbəri Suriyanın uğurunu təmin etmək üçün mümkün olan hər şeyin ediləcəyini bildirib.

Xatırladaq ki, 10 noyabrda iki lider arasında qapalı qapılar arxasında görüş keçirilib. Görüşdən sonra birgə mətbuat konfransı keçirilməyib və bəyanat yayılmayıb.

ABŞ Maliyyə Nazirliyi Vaşinqtonun Suriyanın keçmiş prezidenti Bəşər Əsədə qarşı sanksiyaları saxlayacağını, ancaq Suriyanı hərtərəfli sanksiyalardan azad edəcəyini açıqlayıb.

***

ABŞ Prezidenti Donald Tramp Ağ Evdə Suriya Prezidenti Əhməd Əl Şaraa ilə görüş keçirib.

Publika.az xəbər verir ki, Əl Şaraa artıq Ağ Evi tərk edib.

Mətbuata qapalı şəkildə baş tutan görüşün təfərrüatları açıqlanmayıb, danışıqlar

Qeyd edək ki, Ağ Evdə görüş baş tutarkən ABŞ Suriyaya qarşı tətbiq olunan sanksiya rejiminin və ixrac nəzarəti tədbirlərinin yumşaldıldığını elan edib.

ABŞ Maliyyə Nazirliyinin açıqlamasında bildirilib ki, sanksiyalar 180 gün müddətinə dayandırılıb.

***

Ağ Evdə ABŞ Prezidenti Donald Trampla suriyalı həmkarı Əhməd Əl Şaraa arasında görüş başlayıb.

Publika.az xəbər verir ki, bu barədə Ağ Ev məlumat yayıb.