Neftçala bazarında YANĞIN oldu - Yeniləndi

Neftçala şəhərində yanğın hadisəsi baş verib.

Fövqəladə Hallar Nazirliyindən Publika.az-a verilən məlumata görə, Neftçala şəhərində bazar ərazisində metal və taxta konstruksiyalardan ibarət ümumi sahəsi 300 m² olan, bir dam altında tikilən obyektlərdən 3 ədəd tərəvəz satışı mağazasının yanar konstruksiyaları 100 m² sahədə yanıb.

Digər mağazalar və bazar yanğından mühafizə olunub.

Yanğın yanğından mühafizə bölmələri tərəfindən söndürülüb.

***

Neftçala şəhər ərazisində yerləşən bazarda yanğın hadisəsi qeydə alınıb.

Publika.az Azərtac-a istinadən xəbər verir ki, saat 20 radələrində bazar ərazisində yerləşən və ümumi sahəsi 300 kvadratmetr olan 3 mağazada yanğın başlayıb.

Hadisə yerinə Fövqəladə Hallar Nazirliyi Dövlət Yanğından Mühafizə xidmətinin Neftçala rayon Yanğından Mühafizə Hissəsinin texnikaları və canlı qüvvəsi cəlb olunub. Yanğının söndürülməsi istiqamətində operativ tədbirlər görülüb və yanğın söndürülüb. Hadisə nəticəsində ümumilikdə 100 kvadratmetr sahə yanıb, 200 kvadratmetr sahə mühafizə olunub.