Art

“Medeya” Şuşa Teatrının səhnəsində

25 Noyabr 2022 04:30

Noyabrın 25-də Şuşa Dövlət Musiqili Dram Teatrında Evripidin "Medeya" əsəri əsasında hazırlanmış eyniadlı tamaşa nümayiş olunacaq.

Teatrdan Publika.az-a bildirib ki, qadın intiqamından bəhs edilən tamaşa teatrın rejissoru Mir Qabil Əkbərovun quruluşunda hazırlanıb.

Qeyd edək ki, “Medeya” faciəsinin mövzusu “Arqonavtlar” əsatiri silsiləsindən götürülüb. Medeya əri Yazonu çox sevir. Yazon isə bu sevgiyə biganədir. Medeyanın sevgisi o qədər böyük idi ki, o, əri Yazonun xəyanətinə görə öz övladlarını da öldürməyi gözə alır. Səhnə əsərinin əsas ideyası xəyanətə məruz qalmış qadının nələr edə biləcəyini göstərməkdir.