"Joker" sevənlərinə ŞAD XƏBƏR: Ledi Qaqa ilə...

Dünya kino səhnəsini tüğyan edən "Joker" filminin davamının çəkilişlərinə başlanılıb.

Publika.az xəbər verir ki, bu barədə filmin rejissoru Todd Fillips sosial şəbəkələrdə məlumat verib.

Onun paylaşdığı fotoda baş rol ifaçısı Xoakin Feniksin təraş prosesi əks olunub. Şəklin altında "Birinci gün. Bizim oğlan "Joker" şərhini yazıb.

Filmin ikinci hissəsi "Joker: İki manyak" adlanır və 4 oktyabr 2024-cü ildə böyük ekranlara çıxması planlaşdırılır.

Filmin süjeti hələlik məlum deyil. Filmdə "Joker" sevgilisi və cinayət ortağı kimi görünən Harley Quinn ilə tanış olur. Harley Quinn-i Ledi Qaqa canlandırır. Həmçinin filmin musiqili səhnələrlə zəngin olacağı gözlənilir.

Məlumat üçün bildirək ki, “Joker” filminin birinci hissəsi 4 oktyabr 2019-cu il tarixində ABŞ kinoteatrlarında nümayiş etdirilib və tamaşaçılar tərəfindən çox rəğbətlə qarşılanıb. O, həmçinin 2020-ci ildə Los-Ancelesdə keçirilən 92-ci Akademiya Mükafatları mərasimində mükafata namizəd olub. Filmdəki roluna görə ən yaxşı aktyor mükafatını Xoakin Feniks qazanıb.

Hüseyn İbadlı